ديجيتال ميديا سپێده:
سەركردەیێن سیاسی یێن سوننەیان ل عیراقێ هەڤپەیمانیەكا نوی بناڤێ هەڤپەیمانیا سیادە راگەهاند، و بریارە ل دەمێن بهێت دا بەرنامەیێ كارێ خو ئاشكرا بكەن.
دڤی واریدا هەڤپەیمانیا سیادە د راگەهاندنەكێ دابەلاڤكریە: سەركردەیێن سوونە هەر ئێك ژ محمود مەشهەدانی سەروكێ پەرلەمانی، و خەمیس خەنجەر سەروكێ هەڤپەیمانیا سیادە، موسەننا سامەرائی سەروكێ هەڤپەیمانیا عەزم، ئەحمەد جبوری سەروكێ پارتا جەماهیر و زیاد جەنابی سەروكێ فراكسیونا دەستپێشخەری دكومبوونەكا داخستی دا ل بەغدا هەڤپەیمانیا سەركردایەتیا ئێكگرتیا سووننەیان راگەهاند.
هەڤدەم راگەهاند ژی: ل دەمەكێ نزیك دا بەرنامەیێ كارێ سیاسیێ هەڤپەیمانیا نوی یا سووننەیان دێ هێتە ئاشكراكرن.
خویاكریە: هەڤپەیمانیا سوننەیان دڤێت سەركردایەتیا دەستكەفتێن مرۆڤی، یاسایی وسیاسی و مافێن پێكهاتەیا سوونەیان بكەت، لسەرجەم عیراقێ ب دیاركری ژی ل پارێزگەهێن باكور و رۆژئاڤا عیراقێ.
