دیجیتال میدیا سپێده:
ژبەر بارانبارین ودروستبوونا تەم ومژێ وبارینا تەڕگێ و دروستبونا بابەلیسكا دەریایی سەقایەكێ نەخواستی ل پتریا دەڤەرێن عەرەبستانا سعودیە دروستبویە و مەككە ژی ب مەترسیدارترین دەڤەر هاتیە دانان.
دامەزراوا نیشتیمانی ژبو سەقایێ سعودیە هایداریێ ددەت لدور گهورینێن سەقای و چێدبیت ل هندەك دەڤەران مەترسیان دروست بكەت ب تایبەتی ژی ل دەمژمێرێن بهێت دا، ل دەڤەرێن ریازا پایتەخت و باژێرێن عەسیر و جازان و باحە و مەككە و رۆژهەتا مەككەهێ وەك دەڤەرێن مەترسیدار هاتینە بناڤبرن ودێ لەهیێن مەزن تێدا دروست بن.
باژێرێ مەككەهی ژی بلندترین ئاستێ بارانبارینێ دئەڤ سالە دا تۆماركریە لسەرانسەری سعودیە و رێژا وێ دگەهیتە 89 مللی مەتران ژبو هەر مەتر چوارگوشەیەكی، لدەمێ دوو روژێن بهێت ژی پلێن گەرمێ ل ریاز و روژهەتا وێ وبلنداهیێنباشوورێ سعودیە دی چنە لبن پلا سفرێ دا.
حوسەین قەحتانی پەیڤدارێ فەرمیێ دامەزراوا نیشتیمانیا سەقای ل سعودیە دبێژیت: بابەلیسكا سەر دەریایێ ل نافچەیا رابیغ بهێزترین ئاستێ رەوشا سەقای ل وەلاتی دا تۆماركریە وئێكەمجارە ژی ل وێ دەڤەرێ دروست دبیت وبویە ئەگەرێ بلندكرنا پێلێن دەریایێ.
