دیجیتال میدیا سپێده:
ژبەر قڕكرنا رەگەزی ونەتەوەیی ل دەستپێكا ڤێ حەفتیێ وەرە زێدەتری 200 موسلمانێن روهینگیا گەهشتینە ئاڤێن پارێزگەها ئاچێ ل ئەندەنوسیا.
دەستهەلاتدارێن ئەندەنوسیا راگەهاندیە: ئێڤاریا دوهی زێدەتری 200 موسلمانێن روهینگی گەهشتینە پارێزگەها ئاچێ یا ئەندەنووسی ل نافچەیا برولاكی یا روژئاڤا گزیرتا سۆمەترە، ددەمەكێ دا ژمارا ئاكنجیێن بێ وەلات برێیا دەریایێ دگەهنە ڤی وەلاتی د زێدەبوونێ‌َ دایە.
داتایێن كومسیارێ بلندێ پەنابەرێن نەتەوێن ئێكگرتی دەرخستیە دناڤبەرا هەیڤا چریا ئێكێ و چریا دوویێ یا سالا رابوری زێدەتری 500 موسلمانێن روهینگی ب بەلەمان گەهشتینە ئەندەنوسیا.
فەیسەڵ رەحمان بەرپرسێ كومسیارا بلندا پەنابەرێن نەتەوئێن ئێكگرتی راگەهاند: دەزگەهێ وان هەماهەنگی دگەل دەستهەلاتدارێن نافخویا ئەندەنوسیا كریە و تیمێن وان ژی ئەڤرو بەرەڤ روژئاڤا برولاكیێ چن.
موسلمانێن روهینگیا ژ كێمینەیێن وەلاتێ میانمارن، ل سالا 2017 وەرە ژلایێ سوپا و میلیشیایێن بوزی تووشی قڕكرنێ دبن، لەورا تا نوكە سەدان هزار موسلمانێن روهنیگی چوینە بەنگلادیش و وەلاتێن دەردوور.
