دیجیتال میدیا سپێده:
روژنامەیا وۆڵ ستریت جورنال یا ئەمریكی راگەهاندیە: ئیدارا جۆ بایدن سەروكێ ئەمریكا ب ژڤانە بەشەك ژ سزایێن سەر سوریا رابگریت ب تایبەتی ژی لسەر هاریكاریێن مروڤی.
روژنامەیا ناڤهاتی دراپورتەكێ دا بەلاڤكریە: ئەڤ پێنگاڤا ئەمریكا ژبو بلەزكرنا گەهاندنا هاریكاریێن دەستپێكی یە بێن هەلگرتنا وان سزایان یێن هاریكاریێن دی ژبو حكومەتا نوی یا دیمەشقێ سنوردار دكەن.
ئەڤ بریارە تەكەزیێ لسەر هشیارییا كوچكا سپی دكەت لدور هەلگرتنا دوورپێچا بەرفرەهـ یا ل سەر سوریا سەپاندی هەتا وی ئاراستەی سەركردێن نویێن سوریا ب سەروكاتیا دەستەیا تەحریر شام یا ئەمریكا وەك رێكخراوەكا تیروری بناڤبری، رووهنتر دبیت.
ئەسعەد شەیبانی وەزیرێ دەرڤەیێ ئیدارا نوی یا سوریا لدەمێ سەەردانا خو ژبو قەتەر داخازا هەلوەشاندنا وان سزایێن ئەمریكا كر یێن ل سەردەمێ رژێما ئەسەدی بسەر دیمەشقێ دا هاتینە سەپاندن.
