دیجیتال میدیا سپێده:
مالپەرێ ئاكسیوس یێ ئەمریكی، مەزنترین گرێبەستا جوبایدن سەروكێ ئەمریكا بو پڕ چەككرنا ئسرائیلێ ئاشكرا دكەت.
ئاكسیۆس ل زارێ دوو ژێدەران بەلاڤكریە: ئیدارا جو بایدنی، كونگرێسێ ئەمریكا ئاگەهداركریە، ژ ئەگەرێ رێككەفتنەكێ بو فروتنا چەكی ب گوژمێ 8 ملیار دولاران بو ئسرائیلێ. ژوانا تەقەمەنی بو فروكێن شەڕی و كوپتەرێن هێرشبەر و توپخانەیان. ماڵپەرێ ئەمریكی راگەهاندیە: چێدبیت ئەڤ گرێبەستە دوماهی فروتنا چەكی بیت بو ئسرائیلێ لسەر دەمێ ئیدارا بایدنی كو ل پوستێ خودا دێ دووركەڤیت. ئاماژەكر: وەزارەتا دەرڤەیا ئەمریكا ب رەنگەكێ نەفەرمی كونگرێس ئاگەهدار كریە.
مالپەری راگەهاندیە: دوماهی گرێبەست، ئەگەرێ نوێنەرایەتیا رێككەفتنەكا درێژخایەن دكەت، چێدبیت هندەك ل كەلوپەلان ل پشكێن نوكە یێن ئەمریكا بهێنە دابینكرن، لێ پتریا پێدڤیان لدەمێ سالەكێدا یان زێدەتر دێ هێنە گەهاندن.
رێككەفتن پێكهاتیە ژ موشەكێن ئاسمانی، رێككەفتن پێدڤی ب رازیبوونا لیژنەیێن جڤاتا نوێنەران و جڤاتا پیران هەیە.
ئەمریكا مەزنترین پشتەڤانێ ئسرائیلێ یە بو شەرێ سەر غەززە، ل ئوكتوبەرا 2023ێ وەرە ب هزاران تەنێن چەك و تەقەمەنیان بو ئسرائیلێ دابینكرینە، لێ رەتدكەت یا ئسرائیل دكەت، كومكوژی بیت.