دیجیتال میدیا سپێده:
وەزیرێ بازرگانی ل حكومەتا راگوزەرا سووریا دبێژیت، دانوستان دگهل "هەسەدە"، گرێدایی نینن ب بابەتێن ئابووری ڤه، بەڵكو بابەت مهزنتره. دانوستان لدور سەروەریێ یه ل دەوڵەتی سووریا.
ماهیر خەلیل حەسەن، وەزیرێ بازرگانیێ ل حكومەتا راگوزەرا سووریا، راگههاند: نابیت پێكهاتهیا كوردی د هەسەدە دا بهێته كورتكرن، گوت ژی، دانوستانێن وان دگهل هەمی هێزێن كوردییدا بەردەوامن.
لگورهی گوتنێن ماهیر خەلیل حەسەن، ئارمانجا دانوستانان ڤهگهڕاندنا ئێكپارچەییا هەمی ئاخا سووریی یه و دبێژیت: ئهم حەزهكا مهزن ژ برایێن مه یێن كورد دبینین بۆ تێكەلبوون د دەولهتا نوی دا و بەردەوام نەبوون ژ رهوشا نوكهدا كو ژلایێ بەشهك ژ وان، نەك هەمیان، ب سەردا سەپاندیه".