دیجیتال میدیا سپێده:
کۆمپانیا وزەیا ڕووسیا گازپرۆم، به‌ڵاڤكرییه کو ڤه‌گوهاستنا غازا سرووشتی ب ڕێكا ئۆکراینا بۆ ئەورووپا ڕاگرتییه.
د راگەهاندنه‌كێدا کو ژلایێ گازپرۆم به‌لاڤكرییه، ئاماژە ب وێ کرییه کو ئەڤرو ل ده‌مژمێر ٠٨:٠٠ دوماهی ب ڕێککەفتنا گرێدایی ب ڤه‌گوهاستنا غازا ڕووسیا ب ڕێكا ئۆکراینا بۆ ئەورووپا دوماهی پێهاتییه.
هەروەسا د ڕاگەهاندنه‌كێدا به‌حس ژ وێ كرییه کو ئۆکراینا درێژکرنا ئەوێ ڕێککەفتنێ ڕەتكرییه و، هاتییە: "گازپرۆم بێبەش کرییه ل دابینکرنا غازا سرووشتی ب ڕێكا ئۆکراینا. ڤه‌گوهاستنا غازا ڕووسیا ب ڕێكا ئۆکراینا ئەنجام ناده‌ت".
لگوره‌ی ئەو زانیاریێن حکوومەتا ئۆکراینا بۆ دوماهیا سالا ٢٠٢٣ به‌لاڤكرییه، كوژمه‌یێ ئەوێ غازا ڕووسیا کو ب ڕێكا ئەوان هێلا بۆریانه و وه‌لاتی بۆ ئەورووپا ڤه‌گوهاستیه ل ساڵا ٢٠٢٣دا ب هه‌ڤبه‌ری ب ساڵا ٢٠٢٢ سەدا ٢٨ کێمكرییه و داكه‌تییه بۆ ١٥ ملیار مەتر سێجا.
پێشبینی دهێته‌كرن ئۆکراینا ب ڕێكا ئەوێ گرێبەستا ساڵانە نێزیکی ئێك ملیار دۆلار و گازپرۆم ژی ساڵانە زێده‌تر ژ سێ ملیار دۆلاران داهات هەبیت.
د ده‌مه‌كیدا هێلێن سەرەکیێن ڤه‌گوهاستنا غازا ڕووسیا بۆ ئەورووپا نۆرد ستریم ١، نۆرد ستریم ٢ و یا مال-ئەورووپا بکەڤنه ناله‌بار و ڤه‌گوهاستن ب ڕێكا ئۆکراینا ڕابوەستیت، ئەڤه تورکیا وەکو تاکە ڕێك د پلانا ئێكێدا دبیت.
