دیجیتال میدیا سپێده:
پەیڤدارێ وەزارەتا دەرڤەیا ئیرانێ راگەهاند: تا نوكە مە هیچ پەیوەندییەك دگەل ئیدارا نوكە یا سوریا نینە ودیبلوماسی وشیرەتكارێن سەربازیێن مە ژی ل سوریا دەرچوینە.
ئاژانسا ئیرنا یا ئیرانی بەلاڤكریە: ئیسماعیل بەقائی، پەیڤدارێ وەزارەتا دەرڤەیا ئیرانێ خویاكریە: تا نوكە هیچ پەیوەندییەكا راستەوخو دناڤبەرا حكومەتا تەهران و ئیدارا نوی یا سوریا نینە وگوت: هەبوونا ئیرانێ ل رابووری دا د ئاخا سوریا دا ل پێخەمەت بەرهنگاربوونا تیرۆرێ بوو.
ئاشكراكر: ئەم د پەیوەندیێ دا بووین دگەل بەشەك ژ گروپان ل رابوری دا، لێ دنوكە دا مە هیچ پەیوەندییەكا راستەوخۆ دگەل ئیدارا نوكە یا سوریا نینەو گوت: لدور رەوشا نوكە یا سوریا مە دگەل توركیا نەرین لێكگهورینە.
خویاكر: هیچ وەلاتیەكێ ئیرانی ل سوریا نەمایە پشتی ڤان پێشهاتێن دوماهیێ، و ئەم شیرەتێ ژی ل وەلاتیێن خو دكەین سەرەدانا سوریا نەكەن ژبەر كو رەوشا سوریا یا روهن نینە.