بەپێی راپرسیەكی دەزگایەكی عێراقی تایبەت بە دەستنیشانكردنی كەسایەتی و كۆمپانیا سەركەوتوەكانی ساڵ، بۆ ئەمساڵ ئەو دەزگایە قەیوان گروپی لەسەر ئاستی هەموو عێراق بە پلەی یەكەم هەڵبژاردووە وەك باشترین كۆمپانیا لە بواری خانوبەرە.
دامەزراوەی مركەز ئەلخەبەری ئەلوەتەنی لە عێراق لەڕاپرسییەكدا بۆ دیاریكردنی باشترین كۆمپانیا لە بواری خانوبەرە راپرسییەكی ئەنجامداوە، بەپێی ڕاپرسییەكە لەسەر بنەمای كوالێتی و رەزامەندی كڕیاران و لایەنە پەیوەندارەكان و متمانەی خەڵك بەكارەكانیان، لەناو سەدان كۆمپانیای گەورە و جیاجیای بواری عەقارات و خانووبەرە لە عێراق، گروپی كۆمپانیاكانی قەیوان بۆ ساڵی 2024 بە باشترین كۆمپانیای وەبەرهێنانی بواری خانوبەرە و عەقارات هەڵبژێردراوە.
بڕیارە لە ڕۆژانی داهاتوشدا و بەئامادەبونی چەندین كەسایەتی حكومی و پەرلەمانی و نوێنەری وڵاتان و كۆمپانیا و كەسایەتی بوارەكانی میدیا و كۆمەڵی مەدەنی، لە مەراسیمێكی شایستەدا لە بەغدای پایتەخت براوەكانی ئەو راپرسیە بۆ ئەمساڵ رابگەیەندرێن، كە لە بواری عەقارات و بیناسازیدا گروپی كۆمپانیاكانی قەیوان پلەی یەكەمی بەدەست هێناوە.
دامەزراوەی مەركەز ئەلخەبەری ئەلوەتەنی دامەزراوەیەكی ئەكادیمی و مەدەنیی عێراقە و كۆتایی هەموو ساڵێك راپرسی بۆ دەستنیشانكردنی كەسایەتی و كۆمپانیا و دامەزراوە سەركەوتوەكان ئەنجام دەدات.