دادگای تاوانەكانی پارێزگای نەینەوا بڕیاری 10 ساڵ زیندانی بۆ خاوەنی "هۆڵی بۆنەكان"ی حەمدانییە كە ساڵی ڕابردوو ئاگری لێكەوتەوە و بەو هۆیەوە دەیان كەس گیانیان لەدەستدا دەركرد.
بڕیارەكە لەلایەن دەسەڵاتی دادوەری عێراقەوە دەرچووە، دەركەتووە دادگای تاوانەكانی نەینەوا، بڕیارێكی كاتی بۆ ماوەی 10 ساڵ لە دژی خاوەنی هۆڵی بۆنەكانی هەیسەم لە شارۆچكەی حەمدانییە دەركردوە و ماوەی سزاكەی بۆ دیاری كردووە.
لە مانگی ئەیلوولی ساڵی ڕابردوودا بەهۆی ئاگركەوتنەوە لە ئاهەنگێكی هاوسەرگیری لە شارۆچكەی قەرەقۆش لە حەمدانییە، كە زۆرینەی مەسیحییەكانی تێدایە، دەیان كەس گیانیان لەدەست دا و دەیان كەسی دیكەش بریندار بوون.
