دیجیتال میدیا سپێده:
لدور چەند ژێدەرێن بلند ژ ئیدارا ئەمریكا، دنوكە دا واشنتۆن رێكێن دەرخستنا دەستەیا تەحریر شام دلیستا تیرورێ دا گوتوبێژ دكەت ل پێخەمەت كاركرنێ دگەل ئیدارەیا نوی یا سوریا ل پشتی ژناڤچوونا رژێما بەشار ئەسەدی.
بەرپرسێن بلندێن ئەمریكا ژبو كەنالێ ئێن بی سی نیوز یا ئەمریكی راگەهاندیە: ئیدارا جو بایدن سەروكێ ئەمریكا كار دكەت لسەر سیناریویێن تایبەت ب رەوشا سوریا و دەستەیا تەحریر شام یا دەستهەلاتا نوكە یا سوریا كەفتیە ددەستی دا.
ئێك ژبەرپرسێن ئەمریكی ئاماژە كریە: چێدبیت ل دەمەكێ نزیكدا دەستەیا تەحریر شام د لیستا تیرورا ئەمریكا دا بێتە لادان، و ل قوناغا ئێكێ یا هەلسەنگاندنێ دانە.
خویاكریە: ئارمانج ژ پێنگاڤەكا بڤی رەنگی ژلایێ واشنتن ڤە ژبو ساناهیكرنا كارێن ئەمریكا و وەلاتێن دییە هەتا دگەل ئیدارەیا نوی یا سوریا سەرەدەریێ بكەن ژبەر كو دەستەیا تەحریر شام دەستهەلات گرتیە دەست.
هەرچەندە ژلایێ خوڤە وەزارەتا دەرڤەیا ئەمریكاراگەهاندیە: تا نوكە هیچ گهورینەك لدور لادانا دەستەیا تەحریر شام د لیستا تیرورا ئەمریكا دا نینە، ددەمەكێ دا ل سالا 2018 دا دەستەیا تەحریر شام ژلایێ ئەمریكاڤە ئێخستیە دناڤ لیستا تیرورێ دا.
