دیجیتال میدیا سپێده:
سەروك وەزیران و وەزیرێ دەرڤەیێ قەتەر ڤەگەراندنا وەلاتێ خو ژبو ناڤبژیوانیكرنا دانوستانێن راگرتنا شەڕی ل سەر كەرتێ غەززە دناڤبەرا ئیسرائیل و بزاڤا حەماس دا رادگەهینیت.
شێخ محمد بن عەبدولرەحمان ئال سانی سەرۆك وەزیران و وەزیرێ دەرڤەیێ قەتەر راگەهاند: پشتی نزیكی هەیڤەكێ ژ راگرتنا ناڤبژیوانیا قەتەر ژبو ئاگربەستا ل غەززە، جارەكا دی ژبو دانوستانان ڤەدگەرێین. وئال سانی گوت: ژبەر نەبوونا رژدبوونێ دناڤبەرا لایەنان، ناڤبژیوانیا قەتەر هاتبوو راگرتن.
راگەهاند ژی: دنوكە دا ئەم ژبو رولێ خو لدور دانوستانێن غەززە ڤەگەریاین و دانوستانێن نوی هەنە ژبو راگرتنا شەڕی ئەڤە ژی ل پشتی هەلبژارتنا دوناڵد ترەمپ سەرۆكێ ئەمریكا.
گوت ژی: كارەساتا مرۆڤی ل غەززە هەیە و یا بەردەوامە و پێشهاتێن وێ ژبو لوبنان و سوریا ژی دچن، لەورا پێدڤیە هەمی پێكول بهێنە دان ژبو دانانا سنورەكی.
ل پشتی 7ی ئوكتوبەرا رابوری، قەتەر دەست ب ناڤبژیوانیێ كر دناڤبەرا ئیسرائیل وبزاڤا حەماس دا ژبو ئازادكرنا ئێخسیرێن زایۆنی، و ژمارەیەك ژوان هاتینە ئازادكرن و دوو جاران ژی ئاگربەستا دەمكی هاتیە راگەهاندن، لێ نزیكی سالەكێ یە بنیامین نەتانیاهۆ سەرۆك وەزیرێن قەوارێ زایونی بەهانەیان دئینیت ژبو بەردەوامیدان ب شەرێ سەر غەززە ل پێخەمەت بەرژەوەندیێن خویێن سیاسی وكەسی.
