ديجيتال میدیا سپێده:
پشتی ل روژا پێنج شەمبیا رابوری پەرلمانێ عیراقێ كومبووی وبریار بوو خواندنا دوویێ ژبو راستڤەكرنا یاسا بودجەی بكەت لێ ئەورونشتن ژبوسبەهی روژا ئێك شەمبیێ هاتیە پاشخستن.
ژێدەرەكێ هایدار ل پەرلەمانێ عیراقێ راگەهاندیە: بریارە پەرلەمانێ عیراقێ ل روژا دووشەمبیێ بهێت بچیتە دناڤ بێنڤەدانا فەرمی دا وبڤێ ژی چێدبیت پرسا موچە وئاریشێن دناڤبەرا هەولێر و بەغدا ب هەلاویستی بمینن هەتا پشتی سەرێ سالا نوی، رونشتنا پێنج شەمبیێ ژی ژبەر تەمامنەبوونا نیسابێ یاسایی هاتیە پاشخستن.
بریار بوو روژا پێنج شەمبیێ پەرلەمانێ عیراقێ خواندنا دوویێ ژبو راستڤەكرنایاسا بودجەی بكەت و ئێك ژبرگەهێن وێ گرێدایی بوو ب هنارتنا نەفتا هەرێمێ و چارەسەركرنا ئاریشێن دناڤبەرا هەولێر وبەغدا، ژبەر كو روژا پێنج شەمبیێ بەشەك ژپەرلەمانتارێن حزبا مالیكی رێگری كر.
ژێدەرێن پەرلەمانی دبێژن: ژبلی ئاریشا دەمی و دەستپێكرنا بێنڤەدانا پەرلەمانی، ئاریشەیەكا دی هەیە، ئەو ژی لایەنێن نافخویا شیعەیان نەڤێت ئەڤ پروژە یاسایە و ب تایبەتی ژی ئەوا گرێدایی ب نەفتا هەرێمێ دەرباز ببیت. لەورا پێشدیتن هەنە خواندنا دوویێ ژبو پروژە یاسای و دەربازكرنا وێ یابزەحمەت بیت وتەنانەت ئەگەر ئەو یاسا بێتە جێبەجێكرن ژی دێ هەر كەڤیتە پشتی سەرێ سالێ.
