دیجیتال میدیا سپێده:
ئەڤرو جڤاتا نوونەرێن عراقێ دێ درێژیێ ب رونشتنێن خو دەت و خواندنا دوویێ ژبو راستڤەكرنا یاسا بودجەی كەت و دوو پرۆژە یاسایێن دی ژی دێ ئێخیتە ددەنگ دانێ دا.
لدور كارنامەیا رونشتنا ئەڤرو یا پەرلەمانێ عیراقێ، فەرمانگەها راگەهاندنا جڤاتا نوونەران بەلاڤكریە: د رونشتنێ دا خواندنا دوویێ ژبو راستڤەكریا یاسا بودجێ گشتیێ عیراقێ هێتە كرن.
راستڤەكرنا یاسا بودجێ عیراقێ ژلایێ جڤاتا وەزیران ژبو پەرەلمانی هاتیە رەوانەكرن، ژبو مەرەما زێدەكرنا تێچوویا بەرهەمئینانا بەرمیلەكا نەفتێ یا هەرێما كوردستانێ ژ شەش دولاران ژبو 16 دولاران، ئەڤە ژی ل پێخەمەت دەستپێكرنا هنارتنا نەفتێ ژبەر كو زێدەتری 20 هەیڤانە هاتیە راگرتن.
هەروەسا دەنگدان ب پروژە یاسایێن دەزگەهێ هەوالگریێ نیشتیمانی وپاسپۆرت و خواندنا دوویێ ژبو پروژە یاسا راستڤەكرنا پێنجێ یا یاسا فروكەڤانیا مەدەنی ل رونشتنێ دا دێ هێتە كرن.
بریار بوو جڤاتا نونەرێن عیراقێ دوهی خواندن و دەنگدان لسەر وان پروژەیان كربا، لێ ژبەر میڤانداریكرنا سەروك وەزیرێن عیراقێ كارنامەیا رونشتنێ نەهاتە تەمامكرن وئەڤرو ژی دێ بەردەوام بیت.
