دیجیتال میدیا سپێده:
هێزێن ئوپوزسیونا سوریا دوهی پشتی پێكدادان دناڤبەرا وان و سوپایێ رژێما ئەسەدی دروست بوی، شیان 32 گوندان كونتروڵ بكەن و ئەڤرو ژی 5 گوندێن دی كونترۆڵ كرینە.
لدور زانیاریێن نوچەیی ل نافخویا سوریا، دوهی هێزێن ئوپوزسیونا سوریا لدەمێ شەرو پێكدادانان دا دگەل هێزێن رژێما ئەسەدی 32 گوند و خالێن سەر ب پارێزگەها حەلەب ل باكورێ سوریا كونتروڵ كرن.
ئەڤرو ژی پێكدادانێن سوریا بەردەوامن، ئوپوزسیونا سوری شیاینە 5 گوندێن دی كونترول كرینە و زێدەتری 250 كیلۆمەترێن چوارگوشە ژ روبەرێ ئاخا سوریا كونتروڵ كریە و بتنێ چەند كیلومەترێن كێم ژ باژێرێ حەلەب دویرن.
هێزێن رژێما سوریا ب موشەكێن زەمینی ژمارەیەك دەڤەرێن سەر ب پارێزگەها حەلەب بوردومانكرینە و ژلایێ خوڤە دەستەیا ئازادیخوازێن شامێ دەست ب سەر ژمارەیەك چەكێن قورس و ترومبێلێن سەربازیێن سوپایێ ئەسەدی دا گرتینە و دەهان سەربازێن ئەسەدی ژی دەستەسەركرینە.
هەر ژبەر ڤان پێكدادان وپێشهاتێن نوی ل پارێزگەها حەلەبێ، ب هزاران خێزانێن سوری د ترسا شەری دا بەرەڤ باژێرێ ئیدلبێ ئاوارە و دەربەدەر بوینە.
