ئەمڕۆ پێنج شەممە ٢١/١١/٢٠٢٤، بەڕێز مامۆستا سەلاحەدین محەممەد بەهائەدین ئەمینداری گشتی یەکگرتووی ئیسلامیی كوردستان بەهاوەڵی بەڕێز د. موسەننا ئەمین ئەندامی سەرکردایەتی و بەرپرسی پەیوەندیەکانی دەرەوەی یەکگرتوو، بەشداری کرد لە کۆتا کۆبونەوەی (دیداری دادگەری و دیمۆکراسی - JDF) دا کرد.

 

کۆبونەوەکە لە دورگەی (لۆمبۆک) لە ولاتی (ئەندەنوسیا) بە ئامادەبونی زیاتر لە 20 حزب و ڕێکخراو بەڕێووەچوو، لە دوو دانیشتندا کە تاوەکو کاتژمێر پێنجی ئیوارەی خایاند، ئێستا و ئایندەی ڕێکخراوەکە تاوتوێ کرا و پلانی کاری ئایندە دیاری کرا.

 

هەروەها لە کۆبونەوەکەدا جەختکرایەوە لەسەر بنەما هاوبەشەکانی کار و چۆنیەتی دەستکردن بە گفتۆگۆی ڕاستەوخۆ و ئامانجدار لەگەڵ ڕێکخراوە نێودەوڵەتیەکان و دەزگا پەیوەندیدارەکانی یوئین و یەکێتیە جیهانی و هەرێمایەتیەکانی پەرلەمانەکان و ڕێکخراوەکانی بواری ماف و دادگەری و دیمۆکراسی.

 

لە کۆتاییدا رێککەوتن لەسەر (راگەیەندراوی جاکارتا - إعلان جاکارتا ) کە لەم ڕۆژانەدا دەخرێتە بەردەست ڕای گشتی.