دیجیتال میدیا سپێده:
ژبەردەوامیا هێرشێن سوپایێ زایونی ژبو سەر باشورێ لوبنان، ئەڤرو 10 كەس هاتینە شەهیدكرن و 68 دی ژی بریندارن.
سپێدەهیا ئەڤرو ژی سوپایێ زایونی بەردەوامبوو ژ هێرشێن خو ژبو سەر باشورێ بەیروت یا پایتەختێ لوبنان، و هێرشا ئاسمانی ژبو سەر سێ تاخێن باشورێ بەیروت ئەنجامدا و شەڕێ دژوار ژی دناڤبەرا حزبولڵا و سوپایێ زایونی ل میحوەرێ باشوورێ لوبنان هەیە.
پشتی هایداری بەلاڤكرین، سوپایێ زایونی 3 ئاڤاهیێن تاخێ حەریك ل باشورێ بەیروت بوردومانكرن، بڤی ئەگەرێ ژی 10 كەس شەهید بوون و 68 دی ژی بریندارن.
وەزارەتا ساخلەمیا لوبنان بەلاڤكریە: دهێرشا سوپایێ زایونی دا بو سەر تاخێ حەریك سێ ئەندامێن تیمێن هەوارهاتنی هایتنە شەهید كرن.
ژلایەكێ دیڤە سوپایێ زایونی دان پێدان كر ب كوشتنات 4 سەرباز و برینداركرنا 10 دی ژی ل باشورێ لوبنان.
ل دەستپێكا شەرێ قەوارێ زایونی ژبو سەر لوبنان، تا نوكە سوپایێ زایونی 3 هزار و 544 كەس شەهید كرینە و زێدەتری 15 هزارێن دی ژی بریندارن.
