405 رۆژە قەوارەی زایۆنی بەردەوامە لەجینۆسایدكردنی گەلی فەلەستین، و ئەمڕۆش چەندین ناوچەی جیاوازی غەززەی بۆردومانكردو كۆمەڵكوژی نوێی ئەنجامداوە.
بەپێی سەرچاوە پزیشكییەكانی كەرتی غەززە، زایۆنی داگیركەر لە 24 كاتژمێردا، 3 كۆمەڵكوژی دیكەی لە غەززە ئەنجامداوەو بەهۆیەوە 24 شەهید و112 بریندار گەیشتوونەتە نەخۆشخانەكان.
وەزارەتی تەندروستیی فەلەستین لە غەززە رایگەیاند لە 7ی تشرینی یەكەمی 2023ەوە تا ئامادەكردنی ئەم هەواڵە 43 هەزار و 736 فەلەستینی لە غەززە شەهید بوونەو 103 هەزار و 370ی دیكەش برینداربوونە، هەروەها زیاتر لە 10 هەزاری دیكەش بێسەرو شوێنن.
لەلایەكی دیكەوە، 41 رۆژە زایۆنی داگیركەر گەمارۆی خستووەتەسەر سەر پارێزگای باكوری غەززە و رێگری لە خۆراك وپێداویستی دیكە دەكات و زۆربەی هاوڵاتیانیشی دەربەدەر كردووەو سیاسەتی برسیكردن و قڕكردنی رەگەزی تێدا جێبەجێ دەكات.
