حكومه‌تی به‌ریتانیا به‌نیازه یاسایه‌كی توند په‌سند بكات، كه به‌كارهێنانی تۆڕه‌كانی كۆمه‌ڵایه‌تی له منداڵان و هه‌رزه‌كاران قه‌ده‌غه بكات..
ڕۆژنامه‌ی "تایمز"ی به‌ریتانی بڵاوی كردووه‌ته‌وه، حكوومه‌تی به‌ریتانیا ده‌یه‌وێت له ڕێگه‌ی پڕۆژه‌یاسایه‌كه‌وه به‌كارهێنانی تۆڕه كۆمه‌ڵایه‌تییه‌كان له‌سه‌ر هه‌رزه‌كارانی خوار ته‌مه‌ن 16 ساڵی قه‌ده‌غه بكات.
تایمز ئاماژه‌ی به‌وه‌ش كردوه، وه‌زیرانی حكوومه‌تی به‌ریتانیا بیر له‌وه ده‌كه‌ن پشتیوانی له‌و پڕۆژه تایبه‌ته بكه‌ن كه جۆش ماك ئه‌لیسته‌ر، ئه‌ندامی پارتی كرێكاران پێشكه‌شی كردووه و به‌كارهێنانی تۆڕه كۆمه‌ڵایه‌تییه‌كان له ته‌مه‌نی 13 ساڵی منداڵان بۆ ته‌مه‌نی 16 ساڵی به‌رز ده‌كاته‌وه.
ڕۆژنامه‌كه ئه‌وه‌شى خستۆته‌ڕوو، ئه‌نجوومه‌نی گشتیی به‌ریتانیا (په‌رله‌مان) پشتیوانی له پرۆژه‌كه ده‌كه‌ن، به‌تایبه‌ت كه ناوه‌نده تایبه‌تمه‌نده‌كانی ئه‌م وڵاته هۆشدارییان له به‌كارهێنانی تۆڕه كۆمه‌ڵایه‌تییه‌كان له لایه‌ن هه‌رزه‌كارانه‌وه داوه و جه‌خت ده‌كه‌نه‌وه، بووه‌ته هۆی تێكچوونی شیرازه‌ی خێزانی و كۆمه‌ڵایه‌تی.
