دیجیتال میدیا سپێده‌:

هەیاما زێدەتر ژ 40 روژایە فەرمانبەرێن هەرێمێ موچە نەوەرگرتیە ، قەیرانا گیروبنا موچێ فەرمانبەران درێژی هەیە ئەڤەژی ب ئەگەرێ پشت گوه هاڤێتنا بریارێن دادگەها فیدرالی بو جێبجێ كرنا پرسا تەوتینكرنا موچە ژلایێ حكومەتا هەرێمێ ڤە.

فازڵ نەبی بریكارێ‌ بەرێ وەزیرێ دارایی بو میدیایێن عیراقی راگەهاندیە پێدڤیە سەردانا سودانی بو هەرێمێ ببیتە ئەگەرێ چارسەركرنا ناكوكیان دەربارێ پرسا موچە.

فازڵ نەبی گوت ژی : ئاریشێن زور ناڤبەرا هەرێم و بەغدا هەنە لێ ئاریشا موچە پێدڤی بوو رێیا بریارا دادگەها فیدرالی هاتبا چارەسەركرن و لسەر وەزاریتا دارایی یا عیراقێ ژی پێدڤیە موچێ فەرمانبەرێن هەرێمێ بمەزێخیت.

راگەهاند ژی: بەشەك ژ ئاریشان ب ئەگەرێ خراب لێكتێگەهشتنا ناڤبەرا هەردوو لایایە و هەردەم بەغدا تێبینی لسەر لیستا موچێ فەرمانبەرێن هەرێمێ هەیە كو وەزارەتا دارایی و ئابوری یا هەرێمێ بو دهنێریت و هەمی هەیڤەكێ ئاریشەكا نوی دروست دبیت.

فازڵ نەبی دیار ژی كر: پێدڤیە هەردوو لا د رینشتەكا داخستی دا ڤان ئاریشا دوماهی بینن و گرنگە ژی ئاریشە د ئێك سەلكدا بهێنە چارسەركرن و رێكەفتن بهێتە كرن لسەر شێوازێ هنارتنا لیست و كوژم و هژماران.

دبێژیت:

دبێژیت: فەرمانبەرێن هەرێمێ چاڤێ وان ل بەغدایە هەتا موچە بهنێریت گیروبونا وێ ژی كارتێكرنێ لسەر رەوشا جڤاكیا وەلاتیان دكەت و ئاریشە هند مەزن نینن كو نەهێنە چارسەركرن ئەگەر هەردوو لایان نیەتا چارسەریێ هەبیت.