نرخی زێڕ لە جیهاندا دەستی بە دابەزین کرد و کاریگەریی لە بازاڕەکانی هەرێمی کوردستانیش دروست کرد ئەمەش دوای دەرچوونی ترەمپەوە دێت بۆ پۆستی سەرۆكی ئەمریكا.
ئەمرۆ چوارشەممە 6ی 11ی 2024، نرخى ئۆنسەیەک زێڕ لە بۆرسەى جیهاندا بە دوو هەزار و 700 دۆلارەوە مامەڵەى پێوە دەکرێت.
ئەمە لە کاتێکدایە کە لە ماوەی دوو هەفتەی ڕابردوو نرخی زێڕ بەرزترین ئاستی مێژوویی تۆمارکرد و هەر ئۆنسەیەک بۆ سەروو دوو هەزار و 740 دۆلار بەرزبووەوە، بەڵام لە ئەمڕۆوە دەستی بە دابەزین کردووە و نرخەکەی تا دوو هەزار و 700 دۆلار هات.
نرخى زێڕ لە بازاڕەکانى هەرێمى کوردستانیشدا بەم شێوەیە مامەڵەی پێوەدەکرێت:
مسقاڵێک زێڕى عەیار 18 بە 470 هەزار دینارە
مسقاڵێک زێڕى عەیار 21 بە 580 هەزار دینارە
مسقاڵێک زێڕى عەیار 24 بە 645 هەزار دینارە
