بریاره به‌ره‌به‌یانی چوارشه‌ممه لە كاتژمێر 3:30 له‌پاڵاوتنه‌كانی جامی جیهانی له كیشوه‌ری ئه‌مه‌ریكای باشور به‌رازیل ببێته میوانی پاراگوای
له‌دواین یاری گه‌ڕی هه‌شته‌م هه‌ڵبژارده‌ی به‌رازیل له ده‌ره‌وه‌ی یاریگای خۆی ده‌بێته میوانی پاراگوای.
به‌رازیل به 10 خاڵ پله‌ی چواره‌می ریزبه‌ندی گرتوه‌و بردنه‌وه‌ی له ئیكوادۆر هیوای بۆتیپه‌كه گه‌رانده‌وه، له‌م یارییه‌شدا جگه له بردنه‌وه هیچ ئه‌نجامێكی تر خزمه‌ت به به‌رزیل ناكات، هه‌رچی پاراگوایه به شه‌ش خاڵ پله‌ی حه‌فته‌می ریزبه‌ندی گرتوه.
له‌م یارییه‌شدا به‌رازیل له‌توانای ئیدیر میلیتاوی یاریزانی به‌رگری ریال مه‌درید بێ به‌ش ده‌بێت و له گه‌ڕی رابردووش به‌شداری نه‌كرد به‌هۆی پێكانه‌وه، له شوێنی ئه‌ویش راهێنه‌ر بانگهێشتی فابریسیۆ برۆنۆی كردووه‌و پێشتریش بۆ دوویاری دۆستانه‌ی به‌رامبه‌ر ئینگلته‌را و ئیسپانیا بانگهێشتی كردبوو، بردنه‌وه له‌م یارییه‌دا بۆ به‌رازیل زۆر گرنگ و پێویسته.
