بریاره ئه‌مشه‌و به‌یاری نێوان كۆڵۆمبیا و ئه‌رژه‌نتین له‌كاتژمێر 11:30 گه‌ڕی هه‌شته‌م له‌پاڵاوتنه‌كانی جامی جیهانی له كیشوه‌ری ئه‌مه‌ریكای باشور ده‌ستپێبكات.
ئه‌رژه‌نتین زه‌حمه‌تترین یاری له پاڵاوتنه‌كانی ئه‌مه‌ریكای باشور ئه‌نجام ده‌دات كاتێك له‌گه‌ڕی هه‌شته‌م له‌ده‌ره‌وه‌ی یاریگای خۆی ده‌بێته میوانی كۆڵۆمبیا.
ئه‌م یارییه دووباره كراوه‌ی یاریكۆتایی كوپا ئه‌مه‌ریكای رابردووه، ئه‌رژه‌نتین خاوه‌نی 18 خاڵه‌و پله‌ی یه‌كه‌می ریزبه‌ندی گرتوه‌و تا ئێستا شه‌ش بردنه‌وه‌و یه‌ك دۆرانی هه‌یه، له‌گه‌ڕی رابردووش به ئاسانی له چیللی برده‌وه، ئه‌رژه‌نتین هه‌وڵ ده‌دات له‌م یارییه‌شدا بردنه‌وه تۆمار بكات و هه‌نگاوێكی تر له گه‌یشتن به‌كۆتاییه‌كانی مۆندیال نزیك بێته‌وه، له‌م یارییه‌شدا میسی به‌هۆی پێكانه‌وه وه‌ك یاری رابردوو به‌شداری ناكات.
هه‌رچی كۆڵۆمبیایه خاوه‌نی 13 خاڵه‌و پله‌ی سێیه‌می ریزبه‌ندی گرتوه‌وله‌گه‌ڕی رابردوو له‌گه‌ڵ پیرۆ به‌رامبه‌ر بووه، كۆڵۆمبیا ده‌یه‌وێت سوود له یاریگا و هانده‌ران وه‌ربگرێت وتۆڵه‌ی دۆرانی یاریكۆتایی كوپا ئه‌مه‌ریكاش بكاته‌وه‌و خۆشی له‌ئه‌رژه‌نتینی پێشه‌نگ نزیك بكاته‌وه.
