به‌ره‌به‌یانى ئه‌مرۆ بنكه‌كانى ده‌نگدان له‌به‌رامبه‌ر هاوڵاتیانى ئوردن كرانه‌وه‌ بۆ هه‌ڵبژاردنى نوێنه‌رانى خۆیان بۆ خولى 20ى په‌رله‌مانى.

له‌م هه‌ڵبژاردنه‌دا، هه‌زار و 623 كاندید له‌سه‌ر 197 لیستى ناوخۆیى وگشتى ڕكابه‌رى یه‌كتر ده‌كه‌ن بۆ به‌ده‌ستهێنانى 138 كورسى په‌رله‌مانى.

ژماره‌ى ده‌نگده‌رانى ئوردن كه‌مافى ده‌نگدانیان هه‌یه‌ ده‌گاته‌ 5 ملیۆن و 80 هه‌زار و 858 كه‌س، به‌پێى یاسایى نوێى 2024 دا له‌ئیستیحقاقى په‌رله‌مانى دا 41 كورسى بۆ حیزبه‌كان دانراون.

په‌رله‌مانى ئوردن دوو به‌شى سه‌ره‌كى له‌خۆ ده‌گرێت، ئه‌وانیش "ئه‌نجومه‌نى ئه‌عیان" كه‌ شاى ئوردن ده‌ست نیشانیان ده‌كات، وبه‌شه‌كه‌ى تریش"ئه‌نجومه‌نى په‌رله‌مانى"یه‌ كه‌ له‌لایه‌ن گه‌له‌وه‌ هه‌ڵده‌بژێردرێن.