له‌كۆمه‌ڵه‌ی یه‌كه‌می ئاستی یه‌كه‌م كرواتیا به‌ گۆڵێكی بێ به‌رامبه‌ر له‌ پۆڵه‌ندای برده‌وه‌ تاكه‌ گۆڵی یارییه‌كه‌ش له‌لایه‌ن لۆكا مۆدریچ له‌خوله‌كی 52 تۆمار كرا.

به‌م بردنه‌وه‌یه‌ش كرواتیا به‌ سێ خاڵ پله‌ی سێیه‌می گرتوه‌و پۆڵه‌نداش به‌هه‌مان ژماره‌ی خاڵ پله‌ی دووه‌می گرتوه‌.

له‌ كۆمه‌ڵه‌ی چواره‌می ئاستی یه‌كه‌میش دانیمارك بردنه‌وه‌ی دووه‌می له‌سه‌ریه‌كی تۆمار كردوو به‌ دوو گۆڵی بێ به‌رامبه‌ر له‌ صربیای برده‌وه‌.

ئه‌لبێرت گرۆتبیك له‌خوله‌كی 36 گۆڵی یه‌كه‌می دانیماركی تۆمار كرد، پاشان یوسف بۆلسن له‌خوله‌كی 61 گۆڵی دووه‌می تۆمار كرد، به‌م بردنه‌وه‌یه‌ش دانیمارك به‌ شه‌ش خاڵ پله‌ی یه‌كه‌می ریزبه‌ندی گرتوه‌.

ئیسپانیاش یه‌كه‌مین بردنه‌وه‌ی له‌ كۆمه‌ڵه‌كه‌ به‌ده‌ستهێناو به‌ چوار گۆڵ به‌رامبه‌ر به‌ گۆڵێك له‌ سویسرای برده‌وه‌.

خۆسیلۆ له‌خوله‌كی چوار گۆڵی یه‌كه‌می ئیسپانیای تۆمار كرد، دوای نۆ خوله‌كی تر فابیان رۆیز گۆڵی دووه‌می تۆمار كرد، له‌خوله‌كی 20 رۆبین لو نورماند به‌كارتی سور له‌ ئیسپانیا كرایه‌ ده‌ره‌وه‌ی یاریگا، له‌خوله‌كی 41 زه‌كی ئه‌دمۆنی تاكه‌ گۆڵه‌كه‌ی سویسرای تۆمار كرد، له‌خوله‌كی 77 فابیان رویز گۆڵی دووه‌می خۆی وسێیه‌می ئیسپانیای تۆمار كرد، به‌ر له‌كۆتایی یارییه‌كه‌ش به‌ 10 خوله‌ك فیران تۆرێس گۆڵی چواره‌می بۆ ئیسپانیا تۆمار كرد به‌م بردنه‌وه‌یه‌ش ئیسپانیا به‌ چوارخاڵ پله‌ی دووه‌می ریزبه‌ندیگرتوه‌.