گۆڤاری فرانس فتبۆڵی فه‌ره‌نسی ناوی 30 یاریزانی بڵاو كرده‌وه بریاره ركابه‌ری بكه‌ن له‌سه‌ر به‌ده‌ستهێنانی نازناوی خه‌ڵاتی باشترین یاریزانی جیهانی بۆ ساڵی 2024 ناسراو به باڵۆن دۆر، بۆجاری یه‌كه‌مین له‌دوای ساڵی 2023 ناوی هه‌ریه‌ك له لیۆنێل میسی و كریستیانۆ رۆناڵدۆ له لیسته‌كه نیه.
له لیسته‌كه ناوی حه‌فت یاریزانی ریال مه‌دریدی تێدایه ئه‌وانیش بریتین له ڤینیسیۆس جۆنیۆر و جۆد بیلینگهام و فیدریكۆ ڤالڤێردی و دانی كارڤاخال و ئه‌نۆنیۆ رۆدیگر و كیلیان مباپێ و تۆنی كروس كه به‌م دواییه وازی له‌یاریكردن هێنا.
له مانچسته‌رسیتیش ناوی هه‌ر چوار یاریزان فیل فۆدین و ئیرلینگ هالاد و رۆبن دیاز و رۆدری هاتووه.
سێ یاریزانی بایرلیڤه‌ركوزنیش ناویان هاتووه ئه‌وانیش گریماڵدۆ و گرانیت چاكا و فلۆریان فیرتز، له‌گه‌ڵ هه‌ردوو یاریزانی به‌رشلۆنه لامین یامال و دانی ئۆلمۆ .
له بلباویش ناوی نیكۆ ویلیامز هاتووه، چوار یاریزانی ئه‌رسناڵیش ناویان هاتووه ئه‌وانیش سالیبا و ساكا و ئۆدیگارد و دیكلان رایس ، له ئینته‌رمیلانیش ناوی هاكان چالهانو گلۆ و لاوتارۆ مارتینز، له ئه‌تله‌نتاش ناوی ئه‌دیمۆلا لوكمان هاتووه.
ئیمیلیانۆ مارتیز له ئه‌ستۆن ڤێلا و ئارتیم دۆفبیك و ماتس هۆمێڵز له رۆما و هاری كین له بایرن میونخ و كۆڵ پاڵمه‌ر له رۆما ناویان هاتووه.
بریاریشه ناوی براوه‌ی خه‌ڵاته‌كه له 28ی تشرینی یه‌كه‌می داهاتوو له ئاهه‌نگێك له پاریس ئاشكرا بكرێت.
