دوای نیوەڕۆی ئەمڕۆ چوار شەممە بەرواری 4/9/2024 بە رێز مامۆستا سەڵاحەدین محەممەد بەهائەدین ئەمینداری گشتی یەكگرتووی ئیسلامی كوردستان پێشوازی لە بانگخوازی حاجی كاروان سەرۆكی رێكخراوی بەختەوەری و تیمی گەیاندنی هاوكاری بە خەڵكی لێقەوماوی غەززە كرد.

 

ئەمینداری گشتی یەكگرتوو رایگەیاند هەڵمەتی كۆكردنەوە و گەیاندنی هاوكاریتا بۆ خەڵكی لێقەوماوی غەززە بەرز دەنرخێنین.. لە خودای رەحمان داواكارین ئەم ئەركە برایەتی و خێرخوازیەتان لێ قبوڵ بكات و بەردەوام بن لە هیممەتی بەرز و هەڵمەتی چالاك بۆ خزمەتی كارەساتبار و ستەمدیدە و لێقەوماوان..

لە بەرانبەردا بانگخواز حاجی كاروان و تیمی گەیاندنی هاوكاریەكان بۆ غەززە سوپاس و دەستخۆشیان بۆ پێشوازی ئەمینداری گشتی یەكگرتوو دەربڕی.