دیجیتال میدیا سپێدە:
سەرپەرشتیارێ وەزارەتا دەرڤەیا ئیرانێ ڕاگەهاند: وەلاتێ ئەمریكا وەك ناڤبژوان د گوتوبێژێن ئاگربەستێ ل كەرتێ غەززە ب قەلەم نزانیت بەلكو وەك هەڤبەشەك ل دابینكرنا چەكی بو ئسرائیلێ دزانیت.
عەلی باقری سەرپەرشتیارێ وەزارەتا دەرڤەیا ئیرانێ ل تۆرا جڤاكیا ئێكس راگەهاندیە: دپەیوەندییەكا تەلەفۆنیدا دگەل محمد بن عەبدولرەحمان ئالسانی وەزیرێ دەرڤەیێ قەتەر گوتوبێژا پرسا ئاگربەستا غەززە كریە یێن ل دەوحە برێڤەدچن.
باقری راگەهاند: پێدڤیە دگوتوبێژێن ئاگربەستا ل غەززە سەرنجێ بدەنە سەر پێكولێن فرت و فێلێن ئەمریكا و ئسرائیلێ، گوتژی: ئیران، ئەمریكا وەك ناڤبژیوان د ئاگربەستا سەر كەرتێ غەززە ل قەلەم نادەت، بەلكو وەك هەڤبەشەك ژ دابینكرنا چەكی بو ئسرائیلێ ددەتە زانین.
خویاكریە: پێدڤیە هەمی ئامرازەك بهێتە بكارئینان هەتا ئسرائیل بهێتە نەچاركرن هێرشێن خو بو سەر غەززە راگریت، بگرنگ ژی زانی پێكولێن هەڤبەش بەردەوام بن، ژپێخەمەت راگرتنا وان تاوانێن كومكوژیان یێن ئسرائیل ل غەززە ئەنجامددەت.
