ڕاپۆرت - سامان خۆشناو
یانهی بهرشلۆنه دهچێته دواین قۆناغی ئامادهكاری بۆ وهرزی نوێ كاتێك لهسهر لویس كۆمپانیس میوانداری مۆناكۆی فهرهنسی دهكات.
بهرشلۆنه ئهم وهرزه لهگهڵ راهێنهری ئهڵمانی هانسی فلیك ئامادهكاری دهستپێكردووه،چهند یارییهكی دۆستانهی ئهنجامداوه، دوای بهرامبهر بوونی لهگهڵ مانچستهرسیتی ئینگلیزی بهجیاوازی لێدانی یهكلاكهرهوه لهخاڵی سزا براوه بوو، پاشان له ریال مهدریدی بردهوه لهدوای ئهویش بهجیاوازی لێدانی یهكلاكهرهوه لهخاڵی سزا به میلانی ئیتاڵی دۆرا.
یاری مۆناكۆ دواین یاری ئامادهكاری یانهی بهرشلۆنه دهبێت بۆ وهرزی نوێ، لهدوای ئهوه یانهكه ئامادهكاری بۆ یهكهمین رووبهروو بوونهوه له لالیگا دهكات بۆ بهرامبهر ڤالنسیا كه بریاره له یاریگای مێستایا له 17ی ئهم مانگه ئهنجام بدرێت.
بهرشلۆنه ساڵانه جامێكی دۆستانه بهر لهوهرزی نوێ بهناوی خوان گامبهر رێك دهخات كه كهسایهتیهكی سویسریهو دامهزرێنهری یانهی بهرشلۆنهیه.
پێشبینی دهكرێت لهم یارییهدا چهند یاریزانێك بگهرێنهوه پێكهاتهی بهرشلۆنه لهوانهش لامین یامال و فیران تۆرێس ، رهنگه دانی ئۆلمۆش بهشداری له یارییهكه بكات دوای ئهوهی بهشێوهیهكی فهرمی له لایبزیگی ئهڵمانی پهیوهندی به یانهكه كرد.
بهرشلۆنه له گواستنهوهی هاوینه دهستبهرداری چهند یاریزانێك بوو، لهوانهش سێرجی رۆبێرتۆ و ئۆریۆل رۆمیۆ و ماركۆس ئهلۆنسۆ ، لهگهڵ ئهوهشدا ماوهی خواستنی جواو كانسیلۆ و جواو فلیكس تازه نهكرایهوه.
راهێنهره ئهڵمانیهكه ههوڵ دهدات شێواز و فهلسهفهی خۆی لهگهڵ یانهی بهرشلۆنه بگونجێنێت و تیپهكه بهرهو پێشهوه ببات و ركابهری لهسهر بردنهوهی سهرجهم نازناوهكان بكهن.
ههرچی مۆناكۆی فهرهنسیه ئهم یارییه دهبێته دواین قۆناغی ئامادهكاری بۆ وهرزی نوێ و بریاره له 17ی ئهم مانگه یهكهمین یاری خۆی له خولی فهرهنسا بهرامبهر به سانت ئیتیان له یاریگای خۆی ئهنجام بدات.
