دیجیتال میدیا سپێدە:
لژنه‌یا ئاسایش وبه‌رگريێ ل په‌رله‌مانێ عێراق رادگەهینیت: ئه‌و هه‌موارا پێشكه‌شكری لدور پاسپۆرتا دیپلۆماسی، ژ ئه‌نجامێ دروستبوونا كۆمه‌كا پرسێن جهێ گەنگەشێ بوویە.
محه‌مه‌د شه‌ممه‌ری، ئه‌ندامێ لژنەیا ئاسایش وبه‌رگریێ ل په‌رله‌مانێ عێراقێ بۆ رۆژنامه‌ىا سه‌باح راگەهاندییە: هندەك ژ بڕگه‌یێن یاسایا پاسپۆرتا دیپلۆماسی هه‌مواركرییە بۆ ئاسانكرنا ڕێكاران، هه‌موار ژی پشتی ئه‌وان تۆمه‌تان دهێت كو ئاڕاسته‌یێ هه‌ردوو وه‌زاره‌تێن ناڤخۆ وده‌رڤە كرییە، سه‌باره‌ت ب وێ بشێوه‌یه‌كی نەڕه‌وا پاسپۆرتا دیپلۆماسی دایە ب خەلكی، لێ پشتی لدویڤچوونێ بۆ ڕوونبوویە, چ بنه‌مایه‌كێ راستی تێدا نینه.
ژماره‌یا ئه‌و پاسپۆرتێن دیپلۆمسیێن تا نوكە دابه‌شكرینە، گه‌هشتینە (1600) پاسپۆرتان، ئه‌و ژمارەیێن ل میدیا و تۆڕه جڤاكی دهێنە بەحسكرن ڕاست نینن.
پێدانا پاسپۆرتان ب وان كه‌سایه‌تیێن سه‌ره‌كی كو خزمه‌تا وەڵاتیان كرییە ب درێژاهیا ژیێ خۆ, ئه‌ندامێن خێزانێن وان ژی دگرنەبەر، ئه‌و ژی پرسەكا ئاساییه ونابیتە ئەگەرێ زێدەبوون ژماره‌یا پێدانا پاسپۆرتا دیپلۆماسی.
پاسپۆرتا دیپلۆماسی ژ ئه‌ندامێن خێزانێن وان ژێدبەن دەمێ ژیێ وان دگەڤیتە (24) ساڵی ودڤێت ب پاسپۆرتا ئاسایی, لێ بۆ زارۆك وهەڤژینێن وان ناهێتە گوهوڕین, په‌سه‌ندكرنا پرۆژه یاسایا نوی ژی دكەڤیتە سه‌ر په‌سه‌ندكرنێ ژلایێ په‌رله‌مانتاران ڤە.
