دیجیتال میدیا سپێدە:
وەزارەتا پلاندانانا عیراقێ ئاشكراكریە: سەر ژمێریا ئاكنجیان یا بریارە ل تشرینا دوویێ یا بهێت برێڤەبچیت، وان عیراقیان ڤەناگریت یێن ل دەرڤەی وەلاتی دئاكنجینە، بتنێ وان وەلاتیان ڤەدگریت یێن دناڤ وەلاتی دا دئاكنجینە.
عەبد زەهرە هنداوی پەیڤدارێ وەزارەتا پلاندانانا عیراقێ راگەهاندیە: لدور رێنمایێن نەتەوێن ئێكگرتی سەرژمێریا ئاكنجیان یا بریارە ل 20ی چریا دوویێ یا بهێت برێڤەبچیت، بتنێ وان وەلاتیێن نافخویا وەلاتی و سنورێن وێ ڤەدگریت.
هنداوی خویاكریە: تەڤایا پێكولێن وەلاتان ژبو ئەنجامدانا سەرژمێریێ ل دەرڤەی سنورێن وەلاتی د سەركەفتی نەبوینە، ئەڤە ژی ژبەر نەبوونا رێكارێن تایبەت ژبو دەست گەهشتن ب زانیاریان و ئەنجامدانا سەرژمێریا راستەقینە ژبو وان كەسێن ل دەرڤەی وەلاتینە.
