دیجیتال میدیا سپێدە:
وەزارەتا پلاندانانا عیراقێ ئاشكرا دكەت: ل روژێن داهاتیدا دێ دەست ب راهێنان پێكرنا سەرژمێران كەین وەك ئامادەكاری بو ئەنجامدانا سەرژمێریا ئاكنجییان بو ئەڤسالە ل هەیڤا تشرینا دوویێ یا داهاتی.
عەبدولزەهرا هینداوی پەیڤدارێ وەزارەتا پلاندانانا عیراقێ بو میدیایێن عیراقێ راگەهاندیە: لدەمەكێ نێزیك دێ سەرژمێریكار دەست ب راهێنانان كەن لدەمێ حەفتیا داهاتی لسەر شێوازێ گەڕ، گەڕا ئێكێ دێ 40 هزار كەس بن هەتا دگەهیتە 120 هزار كەسان، دێ دەست ب راهێنانان كەن داكو سەرژمێریا وەلاتی برێڤەبچیت.
هینداوی ئاماژێ دكەت: كەسێن سەرژمێریێ دكەن ژ كارمەندێن پەروەردێ و ماموستایان پێكهاتینە، لسەر ئاستێ رێڤەبەریێن پەروەدان ل پارێزگەهان ژلایێ وەزارەتا پەروەردێ دێ رێكخست بو هێتەكرن، لدویڤدا دێ خولەكا تایبەت ژلایێ رێڤەبەریا ئامارێ ل وەزارەتا پلان دانانێ برێڤەچیت.
ل روژا 13ێ ڤێ هەیڤێ، زیاد عواد كازم سەروكێ دەستەیا ئامارێ ل وەزارەتا پلاندانانێ راگەهاندبوو: پروسا سەرژمێریا ئەزموونی ل هەموو پارێزگەهان سەركەفتن ئینایە، ژوانا ل پارێزگەهێن هەرێما كوردستانێ.
