ديجيتال میدیا سپێدە:
ئەندامەكێ لژنا نەفت و غازێ ل جڤاتا نوینەرێن عیراقێ رادگەهینت حكومەتا عیراقێ پێدڤی ب هنارتنا دەرڤەیا نەفتا هەرێمێ نینە ژبەركو هەمی ئەو رێژا نەفتا رێكخراوا ئوپیك بو دیاركری نها دهنێریت.
دكتۆر ئاسۆ فەرەیدون، ئەندامێ لیژنا نەفت وغازێ ل جڤاتا نوینەرێن عیراقێ ب دەنگا ئەمریكا راگەهاند:: ئۆپیك دوو ملیۆن و 600 هەزار بەرمیل نەفت و عیراقێ دیاركریە تاكو بو هنارتنا دەرڤە و نافخو بكاربینیت،نها عیراق وێ رێژێ بەرهەم دئینیت و پێدڤی ب هنارتنا دەرڤە یا نەفتا هەرێمێ نینە.
دبێژیت : ئەگەر عیراق نەفتا هەرێمێ بودەرڤە بهنێریت ئاریشە دێ بو دروست بیت پێدڤیە هنارتنا دەرڤە یا نەفتا نافچێن دی كێمبكەت دەمەكی دا نەفتا نافچێن دی هەڤبەر ب نەفتا هەرێمێ بهایێ وێ گرانترە و هنارتنا وێً ژی ئاسانترە.
لگورەی زانیاریان ئەو شاندا هەرێمێ و كومپانێێن نەفتی كو ل بەغدانە تانها ل گوتوبێژێ دا نەگەهشیتنە چ رێكەفتنا ب ئەگەرێ هندێ كومپانیێن نەفتییێن ل هەرێمێ داخازا نزیكی 25 دولارا دكەن بو دەرئینانا بەلایملەكێ نەفتێ دەمەكی دا لایەنێ وەزارەتا نەفتا عیراقێ داخازكریە كومپانیێن نەفتی بەرمیلەكا نەفتێ ب 6 دولار دەربینن تا وی دەمی دگەل هەرێمێ رێكدكەڤن.
حكومەتا هەرێمێ ل وی دەمێ سەرەلخو نەفت بو دەرڤە دهنارت و دفروت ، روژانە 450 هزار بەرمیل برێیا توركیا بو دەرڤە دهنارت و روژانە 75 هزار بەرمیل نەفتا كەركوكێ ژی هەر برێیا توركیا بو دەرڤە دهاتە هنارتن.
لدوماهیا هەیڤا 3 سالا 2023 وەرە هنارتنا نەفتا هەرێمێ بو دەرڤە ژلایێ توركیاڤە هاتە راگرتن پشتی كو دادگەها نێڤبژیوانیا نیڤدەولەتی سكلایەكا عیراقێ ل دژی توركیا سەبارەت ب رێكەفتنەكا بەرێ ناڤبەرا وان ئ‌وێكلایی كر و بریار دا ب نەیاسایی بونا هنارتنادەرڤە یا نەفتا هەرێمێ بێی رازیبونا عیراقێ.
