دیجیتال میدیا سپێدە:
ژێدەرەكی ژ وەزارەتا داراییا عیراقێ راگەهاندیە: بڕیارە ئەڤرو رێكارێن هنارتنا موچێ هێزێن ئەمنیێن هەرێما كوردستانێ دەستپێ بكەت.
ژێدەرەكی ل وەزارەتا داراییا عیراقێ بو میدیایێن ئێكەتیێ راگەهاندیە: روژا پێنج شەمبیا رابوری هویربینی ژلیستا موچێ هێزێن ئەمنیێن هەرێمێ ژلایێ دیوانا چاڤدێریا داراییا عیراقێ تەمابوویە، ژبەركو ئەیینی و شەمبیێ بهێنڤەدان بوویە، ئەڤرو لیست دێ گەهیتە دەستێ تەیف سامی وەزیرا داراییا عیراقێ.
ژێدەری ئاماژەكریە: هەر ئەڤرو دێ رێكارێن هنارتنا پارێ موچێ هێزێن ئەمنی تەمام بن، دڤێت وەزارەتا داراییا هەرێمێ بهێتە پارە داركرن، داكو موچێ هێزێن ئەمنی دابەش بكەت.
ژلایەكێ دی ژێدەرەكێ بلند یێ وەزارەتا داراییا حكومەتا كاربرێكەرا هەرێمێ راگەهاندیە: دەستپێكا ڤێ حەفتیێ لیستا موچێ فەرمانبەر و هێزێن ئەمنی بو هەیڤا 5 دێ بو بەغدا هنێرن، پشتی هویربینیێ، دێ پارێ موچەی هێتە هنارتن.
راگەهاندیە: لیستا هێزێن ئەمنی دوو بەشان دێ هنێرن، بەشەك ژوانا دێ ناڤ و تەڤایا زانیاریێن موچەخوران تێدابن، بەشێ دیژی دێ بتنێ ب كود هێتە هنارتن.
ژێدەری دیاركریە: هەموو پێكولەك دهێنەكرن داكو بلەز هویربینی ژلیستاندا بهێتەكرن و بەری جەژنا قوربانێ موچێ هەیڤا 5 بهێتە دابەشكرن.
