دیجیتال میدیا سپێدە:
سودانی لبارا وەبەرهێنانێ ل كێلگەهێن غازێدا ل عیراقێ رادگەهینیت: وەبەرهێنانا غازێ، ئەزمونەكا ستراتیژی یە بو عیراقێ، دڤێت سامانێ نشتیمانی ب باشترین شێوە بهێتە كارئینان بو خزمەتكرنا گەلێ مە و پلانێن گەشەپێدانێ.
گوتژی: نابیت بەردەوام بین ل سوتنا غازێ، ژوانا ژبەر ب هەدەردانا ڤی سامانی كو دشێن مفای ژێ وەرگرن، یادیژی ژبەر كاریگەریێن ژینگەهی، مە خولەكا تایبەتا موهلەتدانێ بو وەبەرهێنانێ ل كێلگەهێن غازێدا راگەهاندیە.
ئاماژەكر: مە پلانا هەی لدەمێ سێ سالاندا، عیراق پێدڤیێن خو ل غازێدا دابین بكەت، عیراق ب باوەریڤە پێنگاڤان دهاڤێژیت داكو لدەمێ 5 سالاندا ببیتە وەلاتەكێ گرنگ ل بازارێدا غازێدا، هەروەسا ل سالێن داهاتیدا غازا پێدڤی ژی بو بەرهەمئینانا كارەبێ دابین بكەین.
گوتژی: پسپور دزانن كو هەبوونا بنگەهەكێ تەكنەلوژی بو وەبەرهێنانا غازێ ل هەمان دەمدا بناغەكە بو بەرفرەهكرنا پیشەسازیا پتروكیمیاوی، ئەڤەژی ئەوە یا ئەم پێكولان بو ددەین.
سودانی لبارا ئەو كومپانیێن دڤێت كارێ وەبەرهێنانێ لباڤێ غازا عیراقێدا بكەن گوت: دەرگەهێ مە یێ ڤەكریە بو هەموو كومپانیێن بناڤودەنگ و ژێهاتی كو دڤێت بەژداری ڤی كەرتیدا بكەن، هەروەسا ئەم پێشوازیێ ل كومپانیێن هەرێمی دكەین، ژبەركو بناغێ هاریكاریێ لبیاڤێن دیدا بەرفرەهتر دكەن.
دنوكەدا بەرهەمئینانا غازێ ل عیراقێ دوو ملیار و 700 ملیون پێ سێجانە، هەروەسا یەدەگێ غازێ ل عیراقێ ب 136 ترلیون پێ سێجا دهێتە خەملاندن، لێ ل وێ ژمارێ 700 ملیار پێ سێجا ژێ سوتینە، ئەڤەژی ژبەر لاوازیا شیانێن بەرهەمئینانێ ژلایێ عیراقێ.
