دیجیتال میدیا سپێدە:
دادگەها بلندا فیدرالیا عیراقێ ئەڤرو ل رونشتنا خودا لدور سكالایەكا تایبەت ب پلەبلندكرنا موچێ فەرمانبەرێن هەرێمێ ئەنجامدا و بریار دا ب رەتكرنا سكالا تایبەت ب پلەبلندكرنا موچێ فەرمانبەرێن هەرێمێ.
ئەڤرو دادگەها فیدرالیا عیراقێ لبارا سێ سكالایان كومبوو، ئێك ژوانا یا تایبەتبوو ب پلە بلندكرنا فەرمانبەرێن هەرێما كوردستانێ كو ل سالا 2016ێ وەرە پلە بلندكرنا فەرمانبەران هاتیە راگرتن، ودادگەها فیدرالی راگەهاند: پلەبلندكرنا فەرمانبەرێن هەرێما كوردستانێ ژ تایبەتمەندیا دادگەها وان نینە و سكالا وان ماموستایێن نەرازی ل دادگەها فیدرالی هاتیە رەتكرن.
ددەمەكێ دا دادگەها فیدرالی ل 21ی هەیڤا رابوری لسەر سكالا یەكگرتووی ئیسلامی كوردستان بریار دا ب پابەندكرنا حكومەتا هەرێمێ وحكومەتا عیراقێ ب دابینكرنا موچێ فەرمانبەران و هەروەسا ب نیشتیمانیكرنا پرسا موچەی دگەل موچەخورێن ناڤەراست وژێریا عیراقێ و هەروەسا دروستكرنا هەژمارا بانكی، بڤێ ژی پلەبلندكرن ژی دێ دەست پێكەتەڤە.
ب هیجەتا قەیرانا دارایی ل سالا 2014ێ وەرە، حكومەتا وی دەمی یا هەرێمێ، پلە بلندكرنا ماموستا و فەرمانبەران راگرتیە، لێ دەم بو دەمی پلە بلندكرنێ بو كەرتێ سەربازی بتنێ ئەنجامددەت.
