دیجیتال میدیا سپێدە:
پارێزگەها هەولێرێ ئاشكرا دكەت، ژ ئەگەرێ ئاگرێ بازاڕێ لەنگە، 166 دوكان هاتینە سوتن و 90 كەس ژی ژ ئەگەرێ دویكێلا ئاگری ساخلەمیا وان تێكچوەیە.
د ڕاگەهاندنەكێدا پارێزگەها هەولێرێدا بەڵاڤكرییە، ئاگرێ بازاڕێ لەنگە، ئاگرەكێ ئێكجار مەزنبوویە، كو زێدەتر ژ سێ مەتران بلندبوویە و كۆنتڕۆلكرنا وی ب ساناهی نەبوویە، كو ب وی ئەگەری، 90 كەس ژ كارمەندێن بەڕەڤانیا باژێری و كاسبكاران ژ ئەگەرێ دویكەلا ئاگری ساخلەمیا تێكچوویە،166 دوكان ژی سوتینە و زیان پێگەهشتییە..
ئەو یەك ژی ئێخستییە بەرچاڤ، هەمی پێكولەكێ تیمێن بەرەڤانیا باژێری و تیمێن دی ژی ئێخستبوونە ئامادە باشیێ تا وەكو ئاگر كێمترین زیان هەبیت و كەلوپەلێن كاسبكاران ل سوتان رزگار بكەن، خۆشبەختانە ڕوویدانێ ژبلی زیانێن ماددی چ زیانەكا دی یا گیانی لێنەكەتییە.
پارێزگەها هەولێر بەحس ژ وێ یەكێ ژی كر، ئومێد خۆشناو پارێزگارێ هەولێر لژنەیەكا تایبەت ل سەرجەم لایەنان پێكئینایە بۆ ڤەكۆلینێ و لدویڤچوونێ ژ ئەگەرێ ئاگربەربوونێ.
