أخــبــار آراء الــبــرامــج الــحــلــقــة ريـــاضــة اتــصــل بــنــا مــن نــحــن
په‌خشی ڕاسته‌وخۆ

دادگەها فیدڕاڵی بڕیاردان لسەر نادەستورییا پێنج ماددەیێن یاسایا هەلبژارتنێن هەرێمێ پاشئێخست

ديجيتال میدیا سپێدە:

دادگەها بلندا فیدراڵی یا عێراقێ لدور یاسایا هەلبژارتنێن هەرێما كوردستانێ بڕیاردان بۆ 2023/12/27 پاشئێخست.

ئەڤرو ئێكشەمبی 3/12/2023 دادگەها فیدڕاڵی یا عێراقێ د كۆمبوونا خۆ دا بڕیاردا حکومەتا عێراقێ پابەند دبیت ب دوماهی ئینان ب ڕێڤەبرنا سەرجەم دامەزراوەیێن دەولەتێ ب وەکالەت ل 30ێ هەیڤا (چرییا دوویێ /11). کارکرن ب ماددەیێ 71ێ ژ یاسایا بودجەیا گشتی رادگریت، تا وەکو دادگەها فیدڕالی دۆسیێ ئێكلایی دكەت.

هەروەسا ژڤانێ رۆینشتنا تایبەت ب دۆسیا نادەستورییا پێنج ماددەیێن یاسایا هەلبژارتنا هەرێمێ بۆ رۆژا 27ی12 پاشئێخست.

لسەر پێنج ماددەیێن یاسایا هەلبژارتنا هەرێما كوردستانێ ژلایێ ئێكەتیێ ڤە سكاڵا تۆماركرییە ماددە تایبەتن ب ژمارەیا كورسیێن كۆتایان و سیستەمێ ئێك بازنەیی و فرەبازنەیی و تۆمارا دەنگدەران.

دەقێ سکاڵایێ داخوازێ دكەت ماددەیێن (1، 9، 15، 22، 36) ژ یاسایا هەلبژارتنا پەرلەمانێ کوردستانێ ساڵا 1992ێ یا هەموارکری ب نادەستوری بدەتە نیاسین، ل دوماهیێ یا تایبەت ب وێ سکاڵایێ کو ل رۆژا 19ێ هەیڤا (چرییا دووێ/11) بۆ دادگەها فیدڕاڵی بڕیاردانا ئەوێ سکاڵایێ پاشئێخست بۆ رۆژا 3ێ هەیڤا (کانینا ئێكێ/12).

 

. مواضیع ذات صلة