دیجیتال میدیا سپێدە:
ئەمڕۆ مامۆستا صلاح الدین محمد بها‌‌‌ءالدین ئەمیندارێ گشتیێ یەكگرتوویا ئیسلامییا كوردستانێ ب هەڤالینیا خەلیل ئیبراهیم كارگێرێ ئەنجومەنێ جێبەجێكرن پێشوازی ل بەڵێن عبدالله سكرتێرێ حزبا زەحمەتكێشێن كوردستانێ كر.
د كۆبوونەكێدا بەحس ل ڕەوشا هەرێما كوردستانێ وعێراقێ بتایبەتی ودەڤەرێ ب گشتی كر، ڕژدی ل وێ یەكێ كرییە لسەر دویركەن ژ ناكۆكییان و خۆ ب دویرگرتن ل هزرا تەنگا حزبایەتیێ بتایبەت بۆ هەردوو هێزێن دەستهەڵاتێ، چونكە ل ڕابووری تا نوكە گەلێ كورد قوربانیێ دەستێ ناكۆكیێن دناڤبەرا هێزێن باڵا دەست بوویە.
د دوماهییا دیدارێدا ب پێدڤی زانی كو حكومەتا كاربەڕێكەرا هەرێما كوردستانێ ڕێ چارەیێن ڕیشەیی بۆ ئاریشەیێن دناڤبەرا هەرێم وبەغدا ببینن بتایبەت ئاریشەیا مووچەیێ فەرمانبەرێن هەرێما كوردستانێ.
