دیجیتال میدیا سپێدە:
بەری نڤیرۆیا ئەڤرو چوار شەمبی 8-11-2023، مامۆستا سەلاحەدین محەممەد بەهائەدین ئەمیندارێ گشتیێ یەكگرتوویا ئیسلامییا كوردستانێ ب ئامادەبوونا هەژمارەك ژ ئەندامێن جڤاتا جێبەجێكرنێ و سەركردایەتیا ل بارەگەهێ تایبەتێ خۆ ل باژێرێ سلێمانیێ پێشوازی كر ل ڕیكاردۆ ڕۆدیگێز نوێنەرێ یونامی ل هەرێما كوردستانێ.
د دیدارەكێدا گوت و بێژ دەربارەی ڕەوشا سیاسی یا عێراقێ و هەرێم و دەڤەرێ كرییە ئەمیندارێ گشتیێ یەكگرتوویا ئیسلامییا كوردستانێ خوازیارێ ئەوێ یەكێ بوو كو نەتەوەیێن یەكگرتوو ڕۆڵەكێ گرنگ ببینیت ژ وێ كو هەلبژارتنێن پەرلەمانێ كوردستانێ د دەمێ خۆدا ئەنجام بدەن و دویربیت ژ ئەنجامێن ساختەكاری و هەروەسا داخواز ژ نوینەرێن یونامی كر ل عێراقێ و هەرێمێ كارێ زێدەتر بكەن بۆ چارەسەركرنا ئاریشەیێن ناڤبەرا هەرێم و بەغدا چارەسەرییا مووچەیێ مووچەخۆرێن هەرێما كوردستانێ.
د دیدارەكێدا ڕیكاردۆ ڕۆدیگێز نوینەرێ یونامی ل هەرێما كوردستانێ ڕۆڵێ یەكگرتوویا ئیسلامییا كوردستانێ ل گۆڕەپانا سیاسی یا عێراقێ و هەرێمێ ب گرنگ وەسف كرو ب گرنگ زانی كو یەكگرتوو ژ پێكولێن بۆ لێك نێزیكرنا نێوان دناڤبەرا لایەنێن سیاسی یێن هەرێمیا كوردستانێ بەردەوام بیت.
