أخــبــار آراء الــبــرامــج الــحــلــقــة ريـــاضــة اتــصــل بــنــا مــن نــحــن
په‌خشی ڕاسته‌وخۆ

یەكگرتوو پشتەڤانیا خۆ بۆ دەنگێ نەڕازی و مامۆستایان ڕاگەهاند

دیجیتال میدیا سپێدە:

ئەنجومەنێ ڕێکخراوەیێن پیشەیی و جەماوەریێن یەکگرتوویا ئیسلامیا کوردستانێ پشتەڤانیا خۆ ل خەلكێ نەڕازی یێ کوردستانێ داکۆکیێ ل داخوازێن مامۆستایان وخۆنیشاندەران دكەت.

ئەڤرو سێشەمبی 7/11/2023 ئەنجومەنێ ڕێکخراوەیێن پیشەیی و جەماوەریێن یەکگرتوویا ئیسلامیا کوردستانێ د ڕاگەهاندنەكێدا ڕاگەهاند: دەستهەڵاتدارێن هەرێما کوردستانێ بێمنەت و دویر ژ هەمی هەستەكێ بەرپەرسیاتیێ مامەلەیێ دگەل نەڕازی و داخوازیێن مامۆستایان و فەرمانبەران دكەت وەکو پیشەیا هەمیشەیی یا خۆ.

ئاماژە ب وێ یەكێ ژی كرییە: ئەڤە بۆ دوو هەیڤان دچیت زێدەتر ژ سێ هزار قوتابخانە پەکكەفتینە و زێدەتر ژ ٦٠٠ هزار قوتابییان بێبەش بوون ژ خواندن و زێدەتر ژ ٥٠ هزار مامۆستایان بایکۆتا هولێن خواندنێ کرییە ، ئەڤە ژبلی وەكو فەرمانبەرێن دام و دەزگەهێن حکومەتێ وەکو پێدڤی دەوامێ تێدا ناکەن.

ئەو یەك ژی هاتیە: ئەم ل ئەنجومەنێ ڕێکخراوەیێن پیشەیی وجەماوەری پشتەڤانیا خۆ بۆ داخوازیێن مامۆستایان و فەرمانبەران وخۆنیشاندەران دووپات دكەین، و هەر دەرئەنجامەك و زیان گەهشتن ب پرۆسەیا پەروەردەو فێرکرنێ د ئێخینە ستۆیێ حکومەتا هەرێما دەم بسەرڤەچوویی.

ئەنجومەنی ئەو یەك ژی راگەهاند: داخوازكارین ب زویترن دەم بەرسڤا داخوازیێن مامۆستایان و وانەبێژان و سەرجەم مووچە خۆران بدەن و دوماهیێ بینن ب قۆرخکاری و نەدادی و ستەمکاریێ ، و دڤێت داهاتێ گشتیێ هەرێمێ بێخنە خزمەتا بەرژەوەندیێن خەلكی ژ پیخەمەت جڤاكەكێ گەشەسەندیتر و پڕ ژ ئارامیێ.

 

. مواضیع ذات صلة