أخــبــار آراء الــبــرامــج الــحــلــقــة ريـــاضــة اتــصــل بــنــا مــن نــحــن
په‌خشی ڕاسته‌وخۆ

پشتەڤانییەك دروستبوویە، ئێدی مووچەیێ فەرمانبەرێن هەرێمێ نەهێتە گرێدان ب چ ئاریشە و ململانەكێڤە

 

دیجیتال میدیا سپێدە:

پەیڤدارێ وەزارەتا دارایی یا حكومەتا كاربەڕێكەرا هەرێما كوردستانێ ڕاگەهاند، ل دوماهیك سەرەدانا خودا بۆ بەغدا "هەمی ئەو گلەیی و شێلاتیێن ڕوویدان" كو حكومەتا عێراقێ هەبووینە"ژ ئەگەرێ داتا و زانیاریێن خەلەت" بەرامبەر هەرێما كوردستان و دبێژیت حكومەتا هەرێمێ هیڤیا هەیی تا دوماهیا ئەڤساڵە ئاریشەیا مووچەیێ موچەخۆرێن هەرێمێ چارەسەر ببیت.

هونەر جەمال،، ب دەنگێ ئەمریكا ڤە ڕاگەهاند، " دڤێ سەرەدانێدا ب تەمامی بۆچوونا وان هاتیە گوهورین، كو ئەم چ تشتەك نینە ڤەشارتی بیت چ داتایەك مە نینە ژلایێ ئەوانڤە ڕەت بكەن، ئەو تەمام هەڤڕابوون دگەل زانیاریێن مە ؛ هەڤسۆزی و پشتەڤانیەك دروستبوو كو ئێدی مووچەیێ فەرمانبەرێن هەرێمێ نەهێتە گرێدان ب چ ئاریشە و ململانەكێڤە و پابەندیێن وێ، ل دەمێ دابەشكرنا مووچەیێ عێراقێ مووچەیێ فەرمانبەرێن هەرێمێ ژی فرێكەن".

دهێتە چاڤەڕێكرن ل پشتی پەسەندكرنا یاسایا بودجە و پەسەندكرنا بەشە بودجەیا هەرێمێ ئاریشەیێن دناڤبەرا هەردوو حكومەتان چارەسەر ببیت، لێ تا نوكە هەیڤا 10 بەرەف دوماهیێ دچیت، هێشتا حكومەتا كاربەڕێكەرا هەرێما كوردستانێ مووچەیێ هەیڤا هەشت دابەشنەكرییە.

 

 

 

. مواضیع ذات صلة