أخــبــار آراء الــبــرامــج الــحــلــقــة ريـــاضــة اتــصــل بــنــا مــن نــحــن
په‌خشی ڕاسته‌وخۆ

ماموستایێن بەردەڕەش: ب پێكولا گەفا لادانێ نەشێن كەسێ بەنە هوڵێن خواندنێدا

دیجیتال میدیا سپێدە:

لدور وان گەفێن دوهی ڕێڤەبەرێ پەروەردا بەردەڕەش ل مامۆستایێن وانەبێژكرین، ماموستایێ وانەبێژ ل سنوورێ پەروەردا بەردەڕەش ڕاگەهاندنەك بەڵاڤكر و تێدا ئاماژەكرییە: مامۆستایێن وانەبێژ مامۆستایێن وەزارەتا پەروەردێنە ل حکومەتا هەرێمێ ئەڤ هەرەشە دوویرە ژ یاسایێن رێکارێن دوورئێخستنا مامۆستای ، ئەڤ ئاخڤتنە دوویرە ژ ئەتەکیەتێن پەروەردە و هەست نەکرن ب بەرپرسایەتیا پەروەردەیا بەڕدەرەش.

ڕاگەهاندنەك ژ دەستەیا وانەبێژێن بەڕدەرەش:-

ئەم ژ دەستەیا مامۆستایێن وانەبێژ ل سنورێ پەروەردەیا بەڕدەرەش دەربارەی وان هەرەشە و ترساندن و دوورئێخستن ژ کارێ مامۆستاییێ ژ لایێ ڕێڤەبەرێ پەروەردا بەڕدەرەش و لایەنێ حزبا دەسهەڵاتدار ل بەڕدەرەش و ئاخڤتنێن ڕێڤەبەری ئەڤان خاڵێن ل خۆارێ بەرسڤێ ددەین:

١- مامۆستایێن وانەبێژ مامۆستایێن وەزارەتا پەروەردێنە ل حکومەتا هەرێمێ ئەڤ گەفە دوویرە ژ یاسایێن رێکارێن دویرئێخستنا مامۆستای ، ئەڤ ئاخڤتنە دوویرە ژ ئەتەکیەتێن پەروەردەیێ و هەست نەکرن ب بەرپرسایەتیا پەروەردەیا بەڕدەرەش.

٢- ئەڤ بایکۆتکرنە ئەنجامێ ــ بێ منەتیا وەیە ـ بەرامبەر وێ وەستیانا چەندین ساڵە بەرامبەر پارەیەکێ نە ژ هەژی و کارنەکرنا هەوە لسەر کەیسێ دامەزراندنێ.

٣ـ ئەڤ بایکۆتکرنە دەستێ حزبی و هیچ لایەنەکێ دگەل دا نینە زۆربەیا وان مامۆستایێن بایکۆتکری سەر ب حزبا دەسهەڵاتدارێن بەڕدەرەشن، بەلکی دەستێ هەژاری و نەبوونێ ل پشتە و مامۆستایێن وانەبێژ بخۆ دێ بڕیارێ لسەر ژیانا خۆ دەن نە حزب و دەست.

٤- داخاز دکەین ب زویترن دەم ڕێڤەبەرێ پەروەردا بەڕدەرەش ژ پۆستێ وی بهێتە لادان و داخازا لێبورینێ بکەت ژ هەمی وان تۆمەتێن نە ڕاست یێن داینە پاڵ وانەبێژان.

٥ـ ئەم ژ بایکۆتکرنێ بەردەوامین ژ پێخەمەت ب دەستڤەئینانا بچیکترین مافێ مە ، ب پێكولا لادانێ نەشێن کەسێ ببەنە ناڤ پۆلان دا ، و تا ئەم بریارێ لسەر خۆ نەدەین ناهێلێن هیچ لایەنەک مە هان بددەت یان ببیتە ئاخڤتنکەرێ مە.

٦ـ ئەگەر ئەڤ گەفە نەهێنە ڕاوەستاندن بەرامبەر هەمی وان گەفان ل هەڤپیشەیێن مە دهێنەکرن مە نەچارنەکەن پەنایێ بۆ دادگەهێ و دەزگەهێن ڕاگەهاندێ ببەین کو وان گەفان ئاشکرابکەین ب بەڵگەڤە،

. مواضیع ذات صلة