أخــبــار آراء الــبــرامــج الــحــلــقــة ريـــاضــة اتــصــل بــنــا مــن نــحــن
په‌خشی ڕاسته‌وخۆ

د.جەمال كۆچەر: وەزیرێ دارایێ هەرێمی دێ دگەل لژنەیا دارایی یا پەرلەمانێ عێراقێ كۆم بیت

دیجیتال میدیا سپێدە:

بڕیارە حەفتیا داهاتی وەزیرێ دارایی یێ حكومەتا كاربەڕێكەرا هەرێمێ، دێ سەرەدانا لژنەیا دارایی یا پەرلەمانێ عێراقێ كەت.

د.جەمال كۆچەر، ئەندامێ لژنەیا دارایی ل جڤاتا نوینەرێن عێراقێ ب سپێدەڤە ڕاگەهاند: ل چوارچووڤەیێ لدویڤچوونێن لژنەیا وان لدور پشكا هەرێما كوردستانێ، مێڤانداریا لایەنێن پەیوەندیدار كرییە، بڕیارە ژی رۆژا پێنجشەمبیا داهاتی وەزیرێ دارایی یێ حكومەتا كاربرێكەرا هەرێمێ، دێ سەرەدانا لژنەیا دارایی یا پەرلەمانێ عێراقێ كەت، تا بۆچوونا خۆ لسەر پرسا پشكا بودجەیا هەرێمێ و پارێزگەهان بێختە بەرچاڤ، پشتی ئەوێ ژی بۆچوونا هەردوولا د چوارچووڤەیێ ڕاپۆرتەكێدا پێشكێشی سەرۆكاتیا پەرلەمانی دهێتەكرن، تا ڕێكارێن پێدڤی بۆ بگرنەبەر.

د.جەمال كۆچەر ئاماژە ب وێ یەكێ ژی كر: وەكو فراكسیۆنێن كوردستانی مە داخواز ژ سەرۆكاتیا پەرلەمانی كرییە، چارەسەریەكێ بۆ گرفتێن نەهنارتنا پشكا بودجەیا هەرێمێ ببینن، ژبەر وێ یەكێ د دەمێ ماوەی بووریدا لژنەیا دارایی مێڤانداریا وەزیرا دارایی یا عێراقێ و لژنەیا دانوستان دگەل هەرێما كوردستانێ و نوینەرێ كۆمپانیا سۆمۆی كر، ئەوا مایی بەرسڤ و بۆچوونا حكومەتا كاربرێكەرا هەرێما كوردستانێیە، بتایبەتی وەزیرێ دارایی و ئابووری، ژبەر ڤێ یەكێ ئەڤجارە ئەو دێ بانگهێشتا پەرلەمانی هێتەكرن.

 

. مواضیع ذات صلة