دیجیتال میدیا سپێدە:
ئەندامەكێ لژنا نەفت وغازێ یا پەرلەمانێ عیراقێ ئاشكراكریە: د راگرتنا هنارتنا نەفتا هەرێمێ ژبو بەندەرێ جەیهان یێ توركیا، بتنێ هەرێما كوردستانێ زەرەرمەندا ئێكێیە.
باسم غەرباوی، ئەندامێ لژنا نەفت وغازێ ل جڤاتا نونەرێن عیراقێ بو روژنامەیا سەباح راگەهاندیە: ژبەر بریارا راگرتنا هنارتنا نەفتا هەرێمێ ژبو بەندەرێ جەیهان یێ توركیا، ب پلا ئێكێ هەرێما كوردستانێ زەرەرمەند بویە.
غەرباوی راگەهاند ژی: بتنێ چارەسەری ژبو ئاریشا راگرتنا هنارتنا نەفتێ ژبو بەندەرێ جەیهان یێ توركیا و ئاریشێن دیێن دناڤبەرا هەرێم وبەغدا پابەندبوونە ب بریارێن دادگەها بلندا فیدرالی، ب تایبەتی ژی هنارتنا نەفتا هەرێمێ دادگەها فیدرالی دەستهەلات ب كومپانیا سۆمۆ دایە و رێگرە ل هەمبەری هەرێما كوردستانێ و نەشێت سەربەخو نەفتێ بفروشیت.
خویاكر ژی: گوتوبێژ ژبو سەر ژنوی دەستپێكرنا هنارتنا نەفتێ دناڤبەرا ئەنقەرە وبەغدا بەردەوامن، لێ توركیا دەست ب دەستیێ ب عیراقێ دكەت و نەڤێت وێ برا پارەی بدەت یا دادگەها پاریس بسەر ئەنقەرە دا سەپاندی، برا وێ ئێك ملیار و 500 ملیون دولارن.
