دیجیتال میدیا سپێدە:
بهایێ نەفتێ داكەت و به‌رمیلەكا نه‌فتا برێنت ب نێزیكی 93 دۆلاران مامه‌لە پێ دهێتەكرن.
ئه‌ڤرو لگورەی داتایێن بازاڕێ جیهانی یێ نه‌فتێ و پشتی ڤەكرنا بازاڕان، بهایێ نه‌فتێ داكەتنەكا به‌رچاڤ تۆماركر و ب هەڤبەری بهایێن دائێخستنا بازاڕان ل ڕۆژا بووری نێزیكێ دولارەكێ داكەتیە.
بهایێ ئێك به‌رمیلا نه‌فتا خاڤا برێنت ب 93 دۆلار و 32سه‌نتان مامه‌لە پێدهێتەكرن.
هەڤدەم به‌رمیلەكا نه‌فتا خاڤا تێكساس به‌رامبه‌ر ب 87 دۆلار و 71 سه‌نتان مامه‌لە پێ دهێتەكرن و ئه‌و ژی ب هه‌مان شێوە بهایێ وێ داكەتییە.
ئه‌ڤە د دەمەكیدایە، ل دەمێ بووریدا بهایێ به‌رمیلەكا نه‌فتێ گه‌هشته زێدەتر ژ 130 دۆلاران و پاشی داكەتییە ژ ئەگەرێ زێدەبوونا ئه‌گه‌رێن ڕێككه‌فتنا ئاشتیێ دناڤبەرا ڕووسیا و ئۆكرانیا دا.
