دیجیتال میدیا سپێده:
وەزیرێ دەرڤەیێ عیراقێ لبارا هنارتنا نەفتا هەرێمێ رادگەهینیت: دگەل هەرێمێ بەردەوامین ل چارەسەركرنا ئاریشا تەكنیكیێن تایبەت ب دەستپێكرنەڤا هنارتنا نەفتا هەرێمێ بو بەندەرێ جەیهان.
فوئاد حسێن وەزیرێ دەرڤەیێ عیراقێ راگەهاند: بەغدا و هەولێر بەردەوام كار دكەن بو چارەسەركرنا ئاریشا تەكنیكیێن هەمبەر هنارتنەڤا نەفتا هەرێمێ.
ئاماژەكر: راگرتنا هنارتنا نەفتا هەرێمێ ب گوژمێ 19 ملیار دولاران زیانا گەهاندیە عیراقێ، گوتژی: حەفتیا بهێت گوتوبێژ لسەر ڤان پرسێن تەكنیكی دێ دەستپێكەنەڤە، لسەر بنەمایێ یاسایی رێككەفتن دێ هێتەكرن.
بەریا نوكە كومەلا پیشەسازیا نەفتا كوردستانێ ئەپیكور ئاشكراكربوو: زیانێن راگرتنا هنارتنا نەفتا هەرێمێ نێزیكی 18 ملیار دولارانە. لێ ئەگەر بەروڤاژی وەرگریتەڤە، مفایێ سالانەیێ هنارتنا نەفتا هەرێمێ ب رەنگەكێ زور بوویە، لێ كەسێ نەدزانی چلێ دهێت و بو كێ دچیت، چەندین سالە ژی بودجە بو پەرلەمانێ كوردستانێ نەهاتیە هنارتن داكو پەسەند بكەن.
