بەرەڤانیا شارستانی: لژێر زەمینێن صیدنایا بدویڤ زیندانیێن نهێنی دا دگەڕین

دیجیتال میدیا سپێده‌:

دیمەنێن وان زیندانیا هاتە گرتن یێن ل گرتیگەها سیدنایا ل دیمەشقا پایتەختێ سوریا كو ب ئەشكەنجان دهێنە نیاسن دەركەفتن و هیشتانەهاتینە دیتن.

رێڤەبەرێ بەرەڤانیا شارستانیا سوریا كو ب كلاڤێن سپی بەرنیاسە راگەهاند:ئەگەرهەیە ژێرزەمینا نهێنی ل گرتیگەها سیدنایا باكورێ دیمەشقێ هاتبتەدروستكرن.

دەربارێ وێ یەكێ ڕائید ساڵح رێڤەبەرێ رێڤەبەراتیا بەرەڤانیا شارستانیا سوربا ل تورێن جڤاكیێ ئێكس راگەهاندیە پێنج تیمێن تایبەت پێكولێن خو بو دیتنا ژێرزەمینا نهێنی گرتینەبەر كو ئەگەرهەیە ل گرتیگەها سیدنایا هاتبنە دروستكرن.

دیار كر: تیمێن مە دێ بەردەوامبن ژ گەریان وپشكنینا هەكی جهەكێ ناڤا گرتیگەهێ.

هێزێن دژبەری رژێمێ پشتی كو دەست بسەر دیمەشقێ دا گرتی هژمارەكا زورا گرتیلان ناڤا گرتیگەها سیدنایا ئازادكرن.

ڕۆژا 8ی كانوونا یەكەم 2024، هێزێن ئۆپۆزسیۆن ودژبەرا ڕژێمێ دیمەشقا پایتەخت كۆنترۆڵ كرن و هەرفینا رژێما بەعس ب سەروكایتیا بەشار ئەسەد-ل وی ولاتی راگەهاندن.