دیجیتال میدیا سپێده:
فراکسیۆنا یەکگرتوو رادگههینیت پاشكهفتنا مووچەیی بۆ پتر ژ ٦٣ رۆژان ، شکهستنهكا دی یا دەستهەڵاتا حوکمڕانییا هەرێمێ یه ل پاڵ شکهستنێن دی .
دهقێ راگههاندنێ:
فەرمانبەر کو ژیان و ژیارا ماڵ و زارۆكێن وان ب مووچەیی ڤه گرێدایه ، د نوكه دا کو ههیڤا دوازدهیه ؛ هێشتا مووچەیێ هەردوو ههیڤێن دەهـ و یازده وەرنەگرتییه و کارتێكرنێن تهحل و گران لسەر ژیارا وان بجهـهێلایه ، هەروەسا دابەش نەکرنا مووچەیی ، بازاڕ و کار و کەسابهتا رۆژانە ئیفلیج کرییه کو جارهكا دی زیانهكا گران ب کاسبکاران گەهاندییه .
دەستهەڵات ل جهێ ئەوێ یهكێ خەما ئەوان قەیرانێن گران یێن دروستکری بخوت ، راگرتنا مووچەیی ئێخستییه ستویێ وەزارەتا دارایی یا حکومەتا عێڕاقێ ، بێ وێ یهكێ بهحسێ راستیێن دۆسییا رادەستکرنا داهاتێن ناڤخۆ و تانکەرێن نەفتێ ل دهریان و ئاریشهیێن ناڤ لیستا مووچەیی بکهت، د هەمان دهمدا وەزارەتا دارایی یا حکومەتا فیدراڵ ، بڕیارێن دادگهها فیدڕالی پشتگوهـئێخستینه و دگهل حکومەتا هەرێمێ ، فەرمانبەر کرینه سووتەمەنیێ ئاریشهیێن ئیداریێن ناڤبهرا خۆ .
د یارییا نهبەرپرسانە یا كرێتدا ، بتنێ فەرمانبەر و کاسبکار باجا گران ددەن .
وەکو فراکسیۆنا یەکگرتوویا ئیسلامییا کوردستانێ ، داکۆکیكارێن سەرسەخت ژ مافێ وهڵاتیان دکەین و ههڤدهم دگهل فراکسیۆنا یەکگرتوو ل ئەنجوومەنێ نوینهرێن عیراقێ ، ژ نێزیك لدویڤچوونێ بۆ ئەڤێ دۆسییا سەرەکی دکەین و ،هەمی رێکارێن یاسایی و پەرلەمانتاری دێ گرینهبهر بۆ ساندنا مافێ رەوایێ فەرمانبەران ، ههڤدهم داخوازێ ژ فراکسیۆنێن ئۆپۆزسیۆنێ ل پەرلەمانێ کوردستانێ دكهین بەرەیەکێ ههڤبهش بۆ راستکرنا دابەشکرنا مووچەیی و ڤهگەڕاندنا پاشكهفتی دروست بکەین .
د دوماهییا ساڵێ دا، پێدڤییه حکومەتا هەرێمێ ب داهاتێ ناڤخۆ، پارێ هنارتیێ بەغدا پڕ بكهت و زۆر ب بلهز مووچەیێ ههیڤێن دەهـ و یازده و دوازده دابەشكهت ، نەک وەکی ساڵا ٢٠٢٣ مووچهیێ سێ ههیڤان بخۆن و ، بكهنه بههانه كو هەمی ساڵهكێ ب بههانهیێ نهدروست و نهلوژیكی،مووچەیێ ههیڤێن دوماهیێ بێسەروشوێن بکهت .
وەکی فراکسیۆنا یەکگرتوو، د نوكه دا دابەشکرنا مووچەیی ب گرنگتر دزانین ژ سیناریۆیێن حزبیێن لاوازێن پاشخیتنا پێکئینانا سەرۆکاتییا پەرلەمانی،کو ئەو ژی قەیرانێن دی ، بۆ قەیرانێن هەرێمێ زێدهكرییه.
