دیجیتال میدیا سپێده:
هەرچەندە حكومەتا عێراقێ كوژمێ 761 ملیار دیناریان بۆ موچێ فەرمانبەرێن هەرێما كوردستانێ هنارتیە لێ حكومەتا سەرڤەچویا هەریمێ دەست بسەردا گرتیە و یا بەرهەڤ نینە لیسنتا موچەیی بلاڤبكەت.
هەیاما 3 روژایە وەزارەتا دارایا عیراقێ كوژمێ 761 ملیار دینار خستیە سەر هژمار بانكیا وەزارەتا دارایی و ئابوریا هەرێماكوردستانێ لێ وەزارەتا ژلایێ سەروكایەیتا جڤاتا وەزیرێن هەرێمێ ڤە هاتیە هایداركرن كو وی پارەیی نە وەرگرن هەتا بەغدا كوژمەكێ دی دهنێریت وكورت ئینانا موچە پێ پربكەن بێیی كو حكومەتا سەرڤەچویی ب داهاتێ نافخو وێ كور ئینانێ پربكەت وقەیرانا موچە رابگریت.
هەیاما دوو هەیڤانە حكومەتا سەرڤەچویی نەشیایە موچێ هەیڤا 10 فەرمانبەرێن هەرێمێ دابین بكەت وبەردەوامە ژی لسەر دروستكرنا ئاریشەیان بو موچەخوران دگەل حكومەتا ناڤەندی پێگری بریارێن دادگەها فیدرالی نابیت.
ژلایەكێ دیڤە حكومەتا سەرڤەچویی یا هەرێمێ یا بەرهەڤ نینە داهاتێ نافخویێ نەفتێ ونەفەفتی رادەستی حكومەتا عیراقێ بكەت كو تەیف سامی وەزیرا دارایی یا عیراقێ ب فەرمی داخازا داهاتێ نەنەفتی 5 هەیڤێن ئەڤسالە ژحكومەتاسەرڤەچویی كریە وتانها ژی بەرهەڤ نینە داهاتی رادەست بكەت وبەرهەڤ ژی نینە وی داهاتی بو رێكخستنا موچە دابین بكەت كو هەیڤانە 75 بۆ 85 ملیار دینارن.
